Björk: Rannsóknarnefnd um Magma málið
Setja bókamerki
Björk Guðmundsdóttir söngkona varpaði fram þeirri spurningu hvort ekki þyrfti rannsóknarskýrslu um söluna á hlut í HS Orku til Magma Energy á blaðamannafundi í Norræna húsinu sem er nýlokið. „Þyrfti ekki að rannsaka markvisst þetta söluferli? Þurfum við að fá skýrslu um söluferlið eins og skýrslu um bankana?“
Björk hélt stutta tölu á fundinum og söng svo þrjú lög en tók ekki við spurningum blaðamanna.
Með fundinum vildi Björk í félagi við þau Oddnýu Eir Ævarsdóttur rithöfund og Jón Þórisson arkitekt hvetja fólk til að mótmæla sölunni til Magma Energy.
Björk benti á að margt væri óljóst varðandi söluna og sagði óeðlilegt að 70% kaupverðisins séu fjármögnuð með kúluláni með veði í bréfunum.
„Ætlum við að borga fyrir Icesave skuldir útrásarvíkinganna með náttúru okkar? Er ekki meiri möguleiki á að við getum borgarð skuldir okkar ef við höldum fullum yfirráðum yfir auðlindum okkar og græðum á þeim sjálf?
Munu barnabörn okkar verða ánægð með hvernig við bregðumst við núna? Munu þau verða sátt við samningana og sölu auðlindanna?,“ spurði Björk Guðmundsdóttir.
„Ert þú þá svona latte-lepjandi hjólagaur?“
Skrítin menning í bankanum
„Hvað ef það hefði verið lokuð heiði?“
Aukin tíðni þungunarrofa hjá yngsta aldurshópnum
„Þögnin er ærandi“
Benda á Samgöngustofu sem bendir út í heim
Starfsfólk gæti fengið reikning frá Skattinum
Hjón sluppu með skrekkinn