Hvalaskoðunarbátar verði rafknúnir innan fárra ára

Skrúfubúnaður hvalaskoðunarbáta Norðursiglingar á Húsavík verður notaður til að framleiða rafmagn inn á rafhlöður, samkvæmt áætlun um orkuskipti sem gerð hefur verið.

Rafmagn verður aðalorkugjafi bátanna en orkan á rafhlöðunum er drýgð með notkun segla ásamt sólar- og vindorku. Dísilvélar verða til vara til notkunar á lengri leiðum og stefnt er að nýtingu lífdísils sem eldsneytis.

Í umfjöllun um mál þetta í Morgunblðinu í dag segir, að Norðursigling og samstarfsaðilar eru að kanna möguleika á að fá fjármagn til að hrinda áætluninni í framkvæmd. Áformað er að byrja á skonnortunni Opal.