Þrjú prósent Íslendinga neyta hvalkjöts reglulega ef marka má niðurstöður skoðanakönnunar sem Capacent vann fyrir Alþjóðlegu dýraverndunarsamtökin (IFAW) en þá er miðað við að fólk hafi keypt hvalkjöt sex sinnum eða oftar á síðastliðnum 12 mánuðum.

Ennfremur kemur fram í niðurstöðunum að 75% Íslendinga kaupi aldrei hvalkjöt. Meðal kvenna er hlutfallið 82% og 86% í aldursflokknum 18-24 ára.

Þetta kemur fram í fréttatilkynningu frá IFAW þar sem ennfremur er lýst yfir vonbrigðum með að íslensk stjórnvöld hafi ákveðið að leyfa áframhaldandi hvalveiðar „í stað þess að stöðva þessa úreltu og óhagkvæmu iðju sem er slæm fyrir Íslendinga sem og hvali.“

Skoðanakönnunin var gerð í október 2013 af Capacent og var úrtakið 1.450 manns sem svöruðu spurningum í gegnum internetið um afstöðu þeirra til hvalveiða.

Tengdar fréttir

Hvalveiðar

Veiting hvalveiðileyfis ekki brot á EES-samningi

• Gefur ekkert upp um leyfi til hvalveiða
• Telur tvískinnung í umræðu um hvalveiðar
• Bíður eftir gögnum áður en hún tekur ákvörðun
• „Tíminn er runninn út fyrir Kristján Loftsson“

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: OG HVERT VAR SVO ÚRTAKIÐ????????