Segir dólgafemínisma ekki vinsælan

Eva Hauksdóttir
Eva Hauksdóttir Árni Sæberg
„Vondum skoðunum á að svara með rökum en ekki pólitískum ofsóknum,“ segir Eva Hauksdóttir, sem vakið hefur mikla athygli og umtal fyrir skelegg greinaskrif sín, sérstaklega gagnrýnin skrif um femínisma. Eva, sem er íslensku- og bókmenntafræðingur að mennt, býr nú í Glasgow, en hyggur á nám í lögfræði við Háskóla Íslands í haust.

Spurð hvort hún sé andstæðingur femínisma segir Eva stutt og laggott: „Já,“ og bætir við: „Femínismi er kynhyggja þar sem krafist er forréttinda fyrir annað kynið og hinu kyninu kennt nánast um allt sem miður fer í tilverunni. Mér finnst kvenhyggja ekkert skárri en karlhyggja. Þetta eru stefnur sem ganga út frá þeirri hugmynd að stríð ríki á milli kynjanna og eru ekki líklegar til að auka skilning og samhygð.“

Segir femínista hafa gott aðgengi að fjölmiðlum

Þegar hún byrjaði fyrst að skrifa um femínisma segist hún aðallega hafa verið að gagnrýna meðferð á gögnum þar sem gölluð tölfræði var notuð eða vísað í rannsóknir sem ekki sýndu það sem viðkomandi sagði. „Ég hélt um tíma að viðhorf mín til femínisma væru mjög óvinsæl en í dag held ég að sá dólgafemínismi sem hefur vaðið uppi á síðustu árum og áratugum sé alls ekki eins vinsæll og halda mætti af umfjöllunum. Femínistarnir hafa afar gott aðgengi að fjölmiðlum og töluvert mikil opinber völd, en almenningur er ekki eins hrifinn af þeim og ég hélt.“

Hún telur umræðuna í dag hafa opnast. „Þegar ég byrjaði að skrifa um femínisma voru margir, sérstaklega konur, sem höfðu samband við mig og sögðust vera sammála mér en ekki þora að segja það opinberlega. Þetta hefur breyst. Nú er fólk farið að taka hraustlega undir með mér og konur farnar að skrifa um svipaða hluti og ég hef gert.“

Hef ekki fengið marktæka gagnrýni frá femínistum

Hún segist ekki hafa fengið á sig marktæka gagnrýni frá femínistum. „Ég hef skrifað nokkrar greinar í Kvennablaðið þar sem ég gagnrýni kvenhyggju og femínistar hafa samband við ritstjórn, lýsa hneykslun sinni og krefjast þess að greinin verði fjarlægð. Þær fá alltaf sama svarið: Ykkur er velkomið að svara. En þær svara ekki. Ég fæ enga málefnalega gagnrýni, bara þöggunartilburði og fullyrðingar um að ég viti ekki hvað ég sé að segja, ég misskilji femínismann og sé með útúrsnúninga, án þess að nokkur geti útskýrt í hverju þeir útúrsnúningar eða misskilningur felist,“ segir hún.

„Ef maður fær gagnrýni sem byggir á rökum þá er hægt að nota hana til að fara lengra með umræðuna en rökvillur og skítkast er ekki eitthvað sem maður þarf að taka til sín. Ég hef reynt að halda uppi samræðu við femínista en það þýðir ekkert.“

Aðspurð hvort andstaða hennar við femínisma sé hluti af andstöðu hennar við pólitíska rétthugsun og forræðishyggju segir hún svo algjörlega vera. „Það sem fer mest fyrir brjóstið á mér er yfirvaldshyggjan sem gegnsýrir femínistahreyfinguna. Hugmyndin er sú að það eigi að berjast fyrir réttindum kvenna og betri heimi fyrir konur með því að taka fram fyrir hendurnar á fólki. Stóra systir á að ákveða hvað okkur sé fyrir bestu.“

„Ég hef ekki séð neitt gott koma út úr þessari óskaplegu fordæmingu á því að fólk hafi skoðanir sem falla ekki að fyrirfram ákveðnum gildum,“ segir hún. „Mér finnst til dæmis rasismi ömurlegur en það er fulllangt gengið þegar má ekki segja brandara um blökkumenn eða aðra hópa án þess að það sé flokkað sem hatursáróður. Það er líka mjög slæmt ef fólk má ekki tjá vondar skoðanir. Ég er algjörlega ósammála Snorra í Betel og finnst skoðanir hans á samkynhneigð viðbjóðslegar en mér finnst enn verra ef það á að banna fólki eins og honum að tjá skoðanir sínar. Vondum skoðunum á að svara með rökum en ekki pólitískum ofsóknum.“

Heftandi að þurfa blessun hópsins

Eva er óhrædd við að tjá skoðanir sínar og segir það heftandi að þurfa blessun hópsins.

„Ég hef aldrei lent í sérstökum vandræðum fyrir að hafa skoðanir sem víkja frá norminu. Hvað er það versta sem getur gerst ef þú segir skoðun þína? Jú, einhver getur rekið þessa skoðun ofan í þig – en um leið ertu búin að fá réttar upplýsingar og getur myndað þér nýja skoðun og haft rétt fyrir þér. Eða þá að einhver verður reiður við þig og hvað með það? Er þá búið að rústa lífi þínu? Á það að þykja gott að fólk sé ekki reitt við þig og haldi að þú hafir allt önnur viðhorf en þú hefur?“

„Það er kannski að einhverju leyti þægilegt að vera í ákveðnu liði en það hlýtur að vera heftandi að þurfa blessun hópsins til að þora að tjá sig og ég held líka að hjarðhugsun geri samfélaginu meira illt en gott,“ segir hún.

Ítarlegra viðtal má finna í sunnudagsblaði Morgunblaðsins.

Eva Hauksdóttir
Eva Hauksdóttir Árni Sæberg
Eva segir dólgafemínisma ekki eins vinsælan og halda mætti
Eva segir dólgafemínisma ekki eins vinsælan og halda mætti AFP

Innlent »

Flestir mæla með Fjarðarkaupum

19:04 Viðskiptavinir Fjarðarkaupa eru líklegri til þess að mæla með þjónustu Fjarðarkaupa en viðskiptavinir annarra fyrirtækja á Íslandi samkvæmt niðurstöðum nýlegrar könnunnar MMR á meðmælavísitölu 85 þjónustufyrirtækja á einstaklingsmarkaði. Meira »

Ósamræmi í umferð hernaðartækja

18:56 Stjórn Flugmálafélags Íslands hefur sent frá sér ályktun þar sem talað er um ósamræmi Reykjavíkurborgar gagnvart umferð hernaðartækja um sveitarfélagið. Meira »

Köttur heimsfrægur starfsmaður

18:41 Kötturinn Pál er í fullu starfi sem músavörður á Fosshóteli á Hellnum á Snæfellsnesi. Köttur þessi er afar félagslyndur og talar mörg tungumál og dregur að gesti frá öllum heimshornum. Meira »

Markmiðið er 40/60 kynjaskipting

18:40 Ráðstefna Jafnvægisvogarinnar verður haldin þann 31. október næstkomandi en markmiðið er að árið 2027 verði hlutfallið á milli kynja 40/60 í framkvæmdastjórnum fyrirtækja á Íslandi. Meira »

Miða út frá hópnum sem vill vita

18:32 „Þetta snýst um svarið við spurningunni: hvað gerirðu ef þú veist að manneskja er í lífshættu? Svarið ætti alltaf að vera: ég geri allt sem ég get til að bjarga henni. Út frá þeim punkti vinnum við þetta frumvarp“ segir Oddný G. Harðardóttir, þingmaður Samfylkingarinnar, Meira »

Lögbannskröfu á Tekjur.is hafnað

18:30 Lögbannskröfu Ingvars Smára Birgissonar á vefinn Tekjur.is var hafnað af sýslumanni. Í synjunarbréfi sýslumanns, sem mbl.is hefur undir höndum, er fallist á að brotið sé gegn lögvörðum rétti gerðarbeiðanda. Ingvar Smári hyggst leita réttar síns fyrir dómstólum. Meira »

Lögregla hafi beitt ólögmætum aðferðum

18:28 Verjendur tveggja manna sem eru ákærðir í gagnaversmálinu krefjast þess að málinu verði vísað frá dómi vegna þess að réttindi ákærða hafi ekki verið virt og að rannsakendur hafi beitt ólögmætum aðferðum til að afla sér upplýsinga við rannsóknina. Meira »

Hagsmunir tryggðir óháð þjóðerni

17:40 Ráðherra ferðamála telur ekki þörf á að setja upp sérstakar hindranir varðandi eignarhald í ferðaþjónustu, en segir að tryggja verði almenningi ákveðið endurgjald vegna starfsemi fyrirtækja á landi í almannaeigu og nýtingar á auðlindum. Meira »

Björgunaræfing við krefjandi aðstæður

17:19 Samhliða æfingu Atlantshafsbandalagsins, Trident Juncture 2018, ákvað Landhelgisgæslan og danski heraflinn að efna til sameiginlegrar leitar- og björgunaræfingar á Faxaflóa í dag. Meira »

Fjölmennt herlið æfði í Keflavík

17:14 „Fyrsta verk landgönguliðanna er að setja upp öryggissvæði. Þegar því er lokið er hægt að flytja inn meira herlið, ef nauðsyn krefur, en á þessari æfingu er markmiðið að æfa flutning á hermönnum frá hafi og tryggja í kjölfarið lendingarsvæðið,“ segir Misca T. Geter, undirofursti hjá landgönguliði Bandaríkjahers, í samtali við mbl.is. Meira »

Neitaði að draga ummæli sín til baka

16:56 Helgi Hrafn Gunnarsson, þingmaður Pírata, fór fram á það í ræðu sinni um störf þingsins á Alþingi í dag að Ásmundur Friðriksson gæfi skýringar á og drægi til baka ummæli sín þess efnis að Píratar hefðu bendlað hann við SS-sveitir þýskra nasista og kallað hann SS-mann. Meira »

Kóprabjalla og lirfur finnast  í hundafóðri

15:58 Kóprabjalla og lirfur hafa fundist í innfluttu hundafóðri og vekur Matvælastofnun athygli á þessi á vef sínum. Um er að ræða kóprabjöllur (Necrobia rufibes) og lirfur þeirra, sem fundist hafa í tveimur lotum af Hill's gæludýrafóðrinu Prescription Diet, Canine Z/D. Meira »

Taki aðstöðu nemenda til endurskoðunar

15:57 Fræðsluráð Hafnafjarðar vill að stjórnendur Áslandsskóla taki til endurskoðunar aðstöðu nemenda í matarhléum. Þetta kemur fram í svari fræðslustjóra Hafnafjarðarbæjar, sem segir erindi umboðsmanns barna um mataraðstöðu barna í skólanum verða tekið fyrir á næsta fundi skólaráðs Áslandsskóla. Meira »

Minna álag með styttri vinnuviku

14:58 Stytting vinnuvikunnar hefur almennt haft jákvæð áhrif á starfsfólk Reykjavíkurborgar og ríkisins, en viðmælendur í skýrslu sem unnin var fyrir BSRB fundu almennt fyrir jákvæðum áhrifum á líkamlega og andlega líðan. Þá gerði stytting vinnuviku starf á vinnustöðum markvissara og dró úr veikindum. Meira »

Fái upplýsingar um lífshættulegt ástand

14:41 Ef nýtt frumvarp um breytingar á lögum um vísindarannsóknir á heilbrigðissviði, sem lagt hefur verið fram á Alþingi, nær fram að ganga, verður hægt að nálgast einstaklinga að fyrra bragði og veita þeim upplýsingar um lífshættulegt ástand þeirra sem kemur í ljós við vísindarannsóknir eða við framkvæmd gagnarannsókna. Meira »

Dæmdur fyrir að hóta lögreglu ítrekað

14:13 Karlmaður á þrítugsaldri var í dag dæmdur í fjögurra mánaða skilorðsbundið fangelsi fyrir að hóta ítrekað lögreglumönnum og fjölskyldum þeirra lífláti. Þá var hann einnig fundinn sekur um að hafa ekið bifreið undir áhrifum vímuefna, en hann mældist með amfetamín, MDMA og slævandi lyf í blóði sínu. Meira »

Harmar alvarlegar ásakanir

14:03 Stjórn Sjómannafélags Íslands harmar alvarlegar ásakanir sem hún segir hafa komið í garð félagsins. Þetta kemur fram í yfirlýsingu sem stjórnin hefur sent fjölmiðlum en þar segir hún Heiðveigu Maríu Einarsdóttur, sem boðað hefur framboð í komandi formannskosningum félagsins, hafa farið fram með órökstuddum staðhæfingum um að félagið hafi brotið gegn félagsmönnum. Meira »

Ætla að bæta stöðu barna innflytjenda

13:58 Tillaga um að bæta stöðu barna með annað móðurmál en íslensku í skólakerfinu var samþykkt í borgarstjórn í gærkvöldi. Tvær keimlíkar tillögur um þetta efni voru á dagskrá borgarstjórnar í gær, ein frá Sjálfstæðisflokki og önnur frá meirihluta borgarstjórnar. Að lokum náðist sátt um eina. Meira »

Stöldrum við á hamstrahjólinu

12:30 Félagslegur stöðugleiki er gríðarlega mikilvægur og jafnmikilvægur og efnahagslegur stöðugleiki. Þetta kom fram í máli Katrínar Jakobsdóttur forsætisráðherra á 45. þingi BSRB á Hilton hótel Nordica í morgun. Meira »
Fasteignir
Ertu að leita að fasteignasala ? Frítt söluverðmat, vertu í sambandi sími ...
Atvinnuhúsnæði til leigu
Atvinnuhúsnæði við Kársnesbraut. 205fm gólfflötur. 120fm milliloft. Lofthæð 7m ...
Múrverk
Múrverk...
Heimili í borginni ...Eyjasol ehf.
3ja herb. íbúðir í austurborginni. Gisting fyrir 4-6. Lausir dagar. Góð gisting ...