Her manna vinnur á þakinu
Setja bókamerki
„Það á enn eftir að meta hversu mikið tjón varð í óveðrinu, og svo á eftir að koma í ljós hvernig húsið kemur undan þessu,“ segir Egill Gómez, forstöðumaður Egilshallar, en tæplega þúsund fermetrar af þakdúk hallarinnar rifnuðu af í stormviðri laugardagsins.
Vinna við að fjarlægja lausar plötur og leggja nýjan dúk á þakinu gat ekki haldið áfram í gærkvöldi og nótt vegna fárviðris. Að sögn Egils hefur þó verið „her manna“ á þakinu síðan í morgun, og miðar öllu vel áfram.
Nokkuð vatnstjón varð í höllinni þar sem mikið lak um helgina, en að sögn Egils hefur lekinn minnkað mikið. Hann segir nóttina hafa farið í það að koma í veg fyrir frekari leka innandyra, og nú sjái hann fram á að starfsemin geti gengið sinn vanagang.
„Það er auðvitað búið að loka vissum svæðum af, en við reynum að hafa opið og alla starfsemi í gangi,“ segir hann. „Þetta hefði mátt vera betra en þetta er allt á réttri leið samt.“
Tveggja mánaða flandur um Nýja-Sjáland
Fimm dauðir hvolpar fundust í poka
Þetta eru hjólaframkvæmdirnar sem unnið er að
Ólíkt ákall fólks á landsbyggðinni
Ók á ofsahraða á móti umferð og uppi á stétt
Færri nota rafhlaupahjól eftir djammið
Fjöldi brota ríflega sexfaldaðist