Rýrnunarskeið jökla endar mögulega í ár

Útlit er fyrir að stóru jöklarnir bæti við sig í ár. Mikið snjóaði í fyrravetur, en síðan tók við kalt sumar.

„Bráðnun hefur verið mjög takmörkuð og hingað til hefur þetta verið mjög lítil sumarleysing, sem sést í jökulánum flestum,“ segir Finnur Pálsson, sérfræðingur í jöklarannsóknum.

Í umfjöllun um mál þetta í Morgunblaðinu í dag segir Helgi Björnsson jöklafræðingur veðurfarið á Íslandi í sumar undantekningu í hnattrænu samhengi.