Félag Ólafs byggir nýtt hótel

Suðurlandsbraut 18. Húsið verður stækkað til suðurs (til hægri á …
Suðurlandsbraut 18. Húsið verður stækkað til suðurs (til hægri á myndinni) samsíða Vegmúla. Tölvumynd/ASK arkitektar

Skipulagsyfirvöld í Reykjavík hafa auglýst nýtt deiliskipulag lóðarinnar á Suðurlandsbraut 18. Breytingin felur í sér viðbyggingu og heimild til að hafa hótel í húsinu.

Hafa eigendur þess látið teikna mynd af byggingunni eftir stækkun. Á henni er gert ráð fyrir að hótel sé í húsinu, að því er fram kemur í umfjöllun um mál þetta í Morgunblaðinu í dag.

Samkvæmt fasteignaskrá er húseignin í eigu eignarhaldsfélagsins Festis. Samkvæmt fyrirtækjaskrá Creditinfo er það félag í 100% eigu hollenska félagsins SMT Partners B.V. Fjallað var um félagið SMT Partners B.V. í Viðskiptablaðinu hinn 27. janúar 2010 og var umfjöllunarefnið endurskipulagning á fjárhag Samskipa með viðskiptabönkum félagsins. „Niðurstaða liggur fyrir og hefur SMT (Samskip Management Team) Partners, sem er í félag í eigu Ólafs Ólafssonar kaupsýslumanns og stjórnenda Samskipa, eignast tæplega 90% í Samskipum með því að leggja til aukið hlutafé,“ sagði í frétt Viðskiptablaðsins.

Félagið Festir á fleiri fasteignir. Má þar nefna Krókháls 11 en Bílaumboðið Askja er þar nú með aðsetur. Þá á Festir um sjö þúsund fermetra fasteign í Kjalarvogi 10 við Sundahöfn. Þessar tvær eignir, ásamt Suðurlandsbraut 18, voru með yfirlýsingu um eigendaskipti færðar úr félaginu Festingu til Festis. 

Félagið Festing er nú skráður eigandi húseignarinnar Kjalarvogs 7-15 en þar eru höfuðstöðvar Samskipa.

Ólafur Ólafsson
Ólafur Ólafsson
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »