Tengja árangurinn við Fálkana

Gísli Gíslason, ritari KSÍ, Guðrún Inga Sívertsen varaformaður, Þórður B. ...
Gísli Gíslason, ritari KSÍ, Guðrún Inga Sívertsen varaformaður, Þórður B. Guðjónsson aðalræðismaður og Ragnhildur Skúladóttir stjórnarmaður með árituðu treyjurnar sem verða vinningar á hlutaveltu vestra. Ófeigur Lýðsson

Vesturíslenska tímaritið Lögberg Heimskringla, sem gefið er út í Winnipeg í Kanada, berst í bökkum eins og fleiri fjölmiðlar, en hefur nú fengið aðstoð úr óvæntri átt, landsliðsbúninga og áritaðar treyjur frá Knattspyrnusambandi Íslands og íslenska karlalandsliðinu, sem til stendur að bjóða sem vinninga í hlutaveltu á næstunni.

„Sigur karlaliðs Íslands á Englandi í Evrópukeppninni í fótbolta í sumar er besti árangur Íslendinga í íþróttum síðan Fálkarnir frá Winnipeg urðu ólympíumeistarar í íshokkíi 1920,“ segir Peter Johnson, stjórnarformaður LH. „Þegar Þórður [Guðjónsson, aðalræðismaður Íslands í Winnipeg] sagði mér að hann hefði fengið áritaða búningana að gjöf hjá Knattspyrnusambandinu var ég álíka æstur og Guðmundur Benediktsson í lýsingunni á fyrrnefndum leik. Þetta er frábært fyrir LH og nú getum við tengt árangurinn beint við Fálkana og ungu kynslóðina í Vesturheimi.“

Landsliðið vinsælt vestra

Undanfarinn rúman áratug hefur skrifstofa LH verið í leiguhúsnæði í miðborginni en nú hefur byggingin verið seld og flutningar því óumflýjanlegir. Stjórnarformaðurinn segir að þeir kosti um 40.000 kanadíska dollara, um 3,5 milljónir króna, og blaðið eigi ekki þá upphæð á lausu.

Þórður B. Guðjónsson var á Íslandi á dögunum og notaði tækifærið til þess að hafa samband við KSÍ. „Peter Johnson bað mig um að athuga hvort möguleiki væri að fá áritaðar treyjur með tombólu í huga, ég bar erindið upp við Gísla Gíslason, ritara KSÍ, og hann brást þegar vel við bóninni.“

Árangur íslenska landsliðsins í úrslitakeppni Evrópumótsins í Frakklandi fyrr í sumar vakti mikla athygli og Þórður og Peter segja að stemmningin hafi verið einstaklega skemmtileg, þar sem þeir hafi fylgst með leikjum Íslands í sjónvarpi í Winnipeg og á Gimli. „Þar sem fólk fylgdist með keppninni mátti víða sjá að stuðningurinn var mikill við Ísland og þá ekki aðeins hjá fólki af íslenskum ættum,“ segir Þórður. „Íslenska liðið átti hug margra hérna fyrir vestan og andrúmsloftið var rafmagnað, þegar Ísland sigraði England,“ segir Peter. „Þetta er ein magnaðasta sagan um sigur Davíðs á Golíat á okkar tímum.“

Þrátt fyrir kostnaðinn við flutningana í lok mánaðarins segir Peter að hugmyndin sé að nýta þá til þess að vekja athygli á mikilvægi LH í íslenska samfélaginu vestra. „Nú gefst okkur tækifæri til þess að vekja fólk af íslenskum ættum í Norður-Ameríku og aðra sem tengjast Íslandi til umhugsunar um upprunann og mikilvægi þess að viðhalda menningunni frá kynslóð til kynslóðar,“ segir hann. Í því sambandi segir hann að gjöf KSÍ sé gulls ígildi og stefnt sé að því að selja miða fyrir 20.000 dollara í hlutaveltunni. „Enn einu sinni hefur þetta ótrúlega lið staðið sig frábærlega, að þessu sinni með stuðningi við mikilvægan hlekk íslensku fjölskyldunnar í Norður-Ameríku, sem var hjálpar þurfi. Heillaóskir til þeirra allra.“

Í Winnipeg. Peter Johnson og Þórður Guðjónsson með aðra treyjuna.
Í Winnipeg. Peter Johnson og Þórður Guðjónsson með aðra treyjuna. Ljósmynd/Bergdís Sigurðardóttir

Bloggað um fréttina

Innlent »

„Hugsanlega - rétt hugsanlega“ von á hlýrra lofti

10:36 Trausti Jónsson veðurfræðingur veltir fyrir sér hvort hægfara breytingar til batnaðar séu í vændum á veðurlagi á landinu. Hann segir þetta enn spurningu en að á „þriðjudag og miðvikudag fer þó fram tilraun sem rétt er að gefa gaum þó líklegast sé að hún renni út í sandinn eins og þær fyrri“. Meira »

Í framúrakstri er slysið varð

10:16 Jeppar sem lentu í árekstri í Mosfellsdal í gær, með þeim afleiðingum að farþegi í öðrum þeirra lést, voru báðir á leið í vesturátt, þ.e. á leið í átt að Mosfellsbæ. Meira »

„Komum vonandi aldrei saman aftur“

09:55 „Mér er afskaplega létt. Ég vona að samningarnir séu nógu góðir til að ljósmæður geti hugsað sér að koma aftur til starfa,“ segir Unnur Berglind Friðriksdóttir, sem hefur setið í undanþágunefnd í ljósmæðraverkfallinu fyrir hönd ljósmæðra. Meira »

Samstöðufundi frestað

09:31 Stuðningshópur ljósmæðra hefur frestað samstöðufundi sem til stóð að halda við fæðingardeild Landspítalans í dag.   Meira »

Hildur hætt í VG

08:52 „Ég get ekki verið í flokki sem situr í ríkisstjórn sem semur ekki við ljósmæður og býður alræmdum rasista á hátíðlegustu stund athafnirnar. Það er fullt af frábæru fólki í VG með hjartað á réttum stað en ég vil ekki vera þar lengur.“ Meira »

Þungbúið á landinu í dag

08:20 Þungbúið verður á landinu í dag og víða dálítil væta. Hiti verður 7 til 13 stig en þó gæti haldist þurrt og nokkuð bjart lengst af á Suðausturlandi vestan Öræfa og hitinn ná þar allt að 17 stigum. Meira »

Ók aftan á bíl

07:16 Maður, sem grunaður er um akstur undir áhrifum fíkniefna, ók aftan á annan bíl á Krossanesbraut á Akureyri í gærkvöldi.   Meira »

Ekið undir áhrifum um alla borg

07:08 Skúlagata, Ægisgata, Snorrabraut. Hafnarfjarðarvegur, Reykjavíkurvegur, Suðurfell. Suðurlandsvegur, Víkurvegur, Stórhöfði. Lögreglan stöðvaði í nótt fjölda ökumanna um allt höfuðborgarsvæðið sem grunaðir eru um akstur undir áhrifum áfengis og fíkniefna. Meira »

Ógnaði fólki með hnífi

06:47 Rétt eftir klukkan 22 í gærkvöldi var ofurölvi maður handtekinn í Kópavogi grunaður um að hafa ógnað fólki með hníf í hendi. Meira »

Beraði sig við Austurvöll

06:45 Á fjórða tímanum í nótt var ofurölvi maður handtekinn við Austurvöll. Dyraverðir á skemmtistað í bænum höfðu hann þá í tökum  Meira »

Göngukona fannst fljótt

Í gær, 22:17 Björgunarsveitir af Austfjörðum og Norðausturlandi voru kallaðar út í kvöld eftir að tilkynning barst um að konu væri saknað í Kverkfjöllum. Mikill viðbúnaður var vegna þessa, en konan fannst þó skömmu seinna, heil á húfi. Meira »

Verðandi mæður geti andað léttar

Í gær, 21:49 Svandís Svavarsdóttir, heilbrigðisráðherra, segist glöð með niðurstöðu kvöldsins í kjaradeilu ljósmæðra og ríkisins, en yfirvinnubanni ljósmæðra var aflýst í kvöld vegna miðlunartillögu ríkissáttasemjara. Hún segir að sú niðurstaða að gerðardómi verði falið mat á launasetningu sé skynsamleg. Meira »

„Við erum sáttar“

Í gær, 20:40 Katrín Sif Sigurgeirsdóttir, formaður samninganefndar ljósmæðra, segir að ljósmæður séu sáttar við niðurstöðu dagsins, en yfirvinnubanni ljósmæðra hefur verið aflýst vegna miðlunartillögu ríkissáttasemjara. Meira »

Banaslys á Þingvallavegi

Í gær, 20:30 Einn er látinn eftir alvarlegt umferðarslys á Þingvallavegi, við Æsustaði í Mosfellsdal, en lögreglunni á höfuðborgarsvæðinu barst tilkynning um slysið um klukkan 16 í dag. Tveir aðrir voru fluttir slasaðir á slysadeild. Meira »

Ljósmæðraverkfalli aflýst

Í gær, 20:18 Ríkissáttasemjari hefur lagt fram miðlunartillögu í deilu Ljósmæðrafélags Íslands og fjármála- og efnahagsráðherra f.h. ríkissjóðs. Ljósmæðrafélags Íslands hefur samþykkt að aflýsa yfirstandandi yfirvinnubanni. Meira »

Breytt landslag í ferðaþjónustu

Í gær, 19:50 Íslenskir ferðaþjónustuaðilar segjast finna fyrir breyttu landslagi í greininni og segja íslensku krónuna spila þar stórt hlutverk. Erlendum ferðamönnum finnist Ísland orðinn of dýr áfangastaður sem valdi samdrætti á mörgum sviðum, en þó sé jafn stígandi í svokallaðri lúxusferðamennsku. Meira »

Framkvæmdir við Geysi taka á sig mynd

Í gær, 19:40 Framkvæmdir við Geysissvæðið eru farnar að taka á sig mynd, en unnið er að uppbyggingu göngustígakerfis upp á Laugafell fyrir ofan hverasvæðið. Áformað er að ljúka því verki nú í sumar, en í kjölfarið bíða önnur verkefni við að taka svæðið allt í gegn. Meira »

Vill loka íslenskum sendiráðum

Í gær, 18:05 „Sendiráð hafa vafalaust verið nauðsynleg fyrr á öldum og fram eftir 20. öldinni. En nú eru samgöngur á milli landa svo tíðar og auðveldar og fjarfundabúnaðir svo fullkomnir að það er ástæðulaust fyrir örþjóð eins og okkur að hafa slík útibú í öðrum löndum. Þeir sem þar starfa hafa í flestum tilvikum ekkert að gera.“ Meira »

Harmar tilhæfulausar ásakanir ljósmóður

Í gær, 17:30 Samninganefnd ríkisins harmar að fulltrúi ljósmæðra kjósi að setja fram tilhæfulausar aðdróttanir í frétt sem birtist á mbl.is. Þetta kemur fram í yfirlýsingu sem Gunnar Björnsson, formaður nefndarinnar, sendir mbl.is. Meira »
Max
...
Einn glæsilegur. MERCEDES BENZ GAZELLE
Einn glæsilegur. MERCEDES BENZ GAZELLE ( REPLICA) Árg. 1979. útlitið er M-Benz 1...
Toyota
Toyota Corolla til sölu Árg. `98. Liftback. Skoðaður '18. Topp eintak. Verð tilb...