Fjórir fluttir á Landspítalann

Farþegi sem slasaðist er rútan valt fluttur á börum í ...
Farþegi sem slasaðist er rútan valt fluttur á börum í átt að sjúkrabíl. mbl.is/Júlíus

Fjórir hið minnsta voru fluttir með sjúkrabílum á Landspítalann eftir að rúta valt á Þingvallavegi til móts við Skálafell fyrir hádegi í dag. Um borð voru um fjörutíu manns. Leiðsögumaður og ökumaður rútunnar eru íslenskir, en meirihluta farþeganna kínverskir. Leiðsögumaðurinn og bílstjórinn sluppu ómeiddir.

Frá upphafi var ljóst að slysið væri alvarlegt og var því fjölmennt lið björgunaraðila sent á staðinn.

Beita þurfti klippum til að losa farþega sem ekki tókst að komast út úr rútunni af sjálfsdáðum.  Landspítalinn hefur verið settur á gult viðbúnaðarstig vegna slyssins. Er fólk vinsamlegast beðið um að koma ekki á bráðamóttöku Landspítalans í Fossvogi nema brýna nauðsyn beri til.

Farþegar í rútunni eru á leið til Reykjavíkur með annarri rútu og verður tækjabíll sendur á slysstað til þess að sækja rútuna. 

Fjöldahjálparstöð Rauða krossins í Mosfellsbæ var virkjuð. Aðgerðir á vettvangi standa enn yfir og Þingvallavegur er áfram lokaður.

Lögreglan vill biðja alla þá sem tóku farþega upp í bíla sína eða slasaða á slysavettvangi að láta strax vita svo að hægt sé að tryggja að allir farþegar í rútunni séu fundnir. Hægt er að láta vita gegnum símanúmerið 112 eða tilkynna það til björgunaraðila á vettvangi.

Lögreglu- og slökkviliðsmenn aðstoða slasaða á vettvangi rútuslyssins á Þingvallavegi.
Lögreglu- og slökkviliðsmenn aðstoða slasaða á vettvangi rútuslyssins á Þingvallavegi. Mbl.is/Júlíus

Frétt mbl.is: Viðbúnaður vegna rútuslyss

Blaðamaður mbl.is var kominn á staðinn fljótlega eftir að slysið varð. Um kl. 11.33 var búið að flytja einn slasaðan af vettvangi með sjúkrabíl til Reykjavíkur og var þá verið að undirbúa flutning á öðrum manni. Þá var mikill fjöldi sjúkrabíla á vettvangi og tveir slökkviliðsbílar. Þyrlan hafði verið kölluð út en var ekki kominn á staðinn Aðstæður á svæðinu voru erfiðar, það var snjór á veginum og enn snjóaði. 

Rútan var á leið í átt að Þingvöllum er hún fór útaf veginum. 

Ferðamenn sem ekki slösuðust fengu skjól í rútum sem voru á sömu leið fljótlega eftir að slysið varð. Nokkru síðar kom stærri rúta á vettvang þangað sem ferðamennirnir voru fluttir. Enn var unnið að því að losa fólk úr rútunni.

Um fimmtán mínútum seinna eða kl. 11.44 hafði tekist að ná báðum þeim sem voru fastir inni í rútunni út. Þeir voru báðir aftast í rútunni er slysið varð. Þá var búið að flytja að minnsta kosti þrjá á Landspítalann með sjúkrabílum. 

Uppúr klukkan tólf var búið að flytja að minnsta kosti fjóra á sjúkrahús og var þá ekki vitað um alvarleika meiðslanna. 

Rútan valt út af Þingvallavegi.
Rútan valt út af Þingvallavegi. mbl.is/Júlíus

 Annað rútuóhapp varð í Hveradalsbrekkunni á Hellisheiði í morgun engin slys urðu á fólki, að sögn lögreglunnar á Selfossi.

mbl.is

Innlent »

Varað við versnandi akstursskilyrðum

Í gær, 23:40 Spáð er allhvassri eða hvassri suðvestanátt norðantil á landinu fram á nótt samkvæmt upplýsingum frá Veðurstofu Íslands, en slyddu eða snjókomu til fjalla á morgun með versnandi akstursskilyrðum í þeim landshluta. Meira »

Manni bjargað úr sjónum

Í gær, 21:43 Tilkynning barst lögreglunni á Húsavík rétt fyrir klukkan átta í kvöld um að karlmaður væri í sjónum í Eyvík út af Höfðagerðissandi sem er um fimm kílómetra frá bænum. Ekki var vitað á þeirri stundu hvernig maðurinn lenti í sjónum. Meira »

Síldveiðin fer vel af stað fyrir austan

Í gær, 21:28 „Við fengum aflann í fjórum holum við og utan við Glettinganestotuna. Þarna var svolítið líf og við toguðum aldrei lengi eða frá tveimur og hálfum og upp í fimm tíma,“ segir Hjörvar Hjálmarsson, skipstjóri á Berki NK, sem kom með 1.200 tonn af síld að landi til vinnslu í Neskaupstað í gær. Meira »

Svindlið á sturluðum mælikvarða

Í gær, 21:00 „Þetta er í stuttu máli óásættanleg niðurstaða,” segir Birgir Sverrisson framkvæmdastjóri Lyfjaeftirlits Íslands, í svari við fyrirspurn mbl.is um þá ákvörðun Alþjóðalyfjaeftirlitsstofnunarinnar að viðurkenna á ný rússneska lyfjaeftirlitið. Meira »

Ákærðir fyrir árás á dyravörð

Í gær, 20:50 Tveir karlmenn á þrítugsaldri hafa verið ákærðir af embætti héraðssaksóknara fyrir líkamsárás á dyravörð fyrir utan skemmtistaðinn Kíkí í desember 2016. Þá eru þeir einnig ákærðir fyrir brot gegn valdstjórninni með því að hafa reynt að koma í veg fyrir handtöku og ráðist á lögreglumenn. Meira »

18 þúsund standa að baki Landsbjörg

Í gær, 20:45 „Við erum afar þakklát fyrir að vera komin með um 18.000 manna hóp sem er tilbúinn að standa við bakið á starfi slysavarnadeilda og björgunarsveita um allt land,“ segir Davíð Már Bjarnason, upplýsingafulltrúi Landsbjargar. Meira »

Fjör á öllum vígstöðvum í Laugardalnum

Í gær, 20:10 „Það er svo ótrúlega mikið annað í boði en þessar hefðbundnu greinar sem eru vinsælar. Það þarf lítið til að kynna sér skemmtilega og öðruvísi hreyfingu og finna sér þannig einhverja skemmtilega grein.“ Meira »

Friðað hús rifið fyrir helgi

Í gær, 20:06 Friðað hús, sem áður var staðsett að Laugavegi 74 í Reykjavík, var rifið fyrir helgi en húsið hafði þá verið í geymslu á Granda í rúman áratug. Meira »

„Ég gæti mín“

Í gær, 19:53 Bergþór Grétar Böðvarsson starfsmaður á geðsviði Landspítalans og knattspyrnuþjálfari greindist með geðröskun fyrir 29 árum. Hann segir mikið hafa breyst á þeim tíma, úrræðin voru fá fyr­ir fólk með geðrask­an­ir og lítið hugsað um eftirfylgni að lokinni spítalavist. Meira »

Verkalýðsleiðtogar gagnrýna Icelandair

Í gær, 19:40 Fjórir verkalýðsleiðtogar mótmæla „harðlega“ þeirri ákvörðun Icelandair að setja flugþjónum og -freyjum sem eru í hlutastarfi hjá fyrirtækinu þá afarkosti að ráða sig í fulla vinnu eða láta ellegar af störfum. Meira »

Boðin krabbameinslyf á svörtum markaði

Í gær, 18:50 Konum, sem greinst hafa með brjóstakrabbamein og þurfa á andhormónalyfjum að halda, hafa verið boðin slík lyf af einstaklingum sem flytja inn og selja stera með ólöglegum hætti. Lyfið sem um ræðir er estrógen-hamlandi lyf og m.a. notað til að koma í veg fyrir aukaverkanir vegna steranotkunar. Meira »

Velt verði við hverjum steini

Í gær, 18:39 „Mér hefur fundist þetta afskaplega ánægjulegur dagur og það sem stendur upp úr hjá mér er að þótt fólk hafi núna gengið í gegnum nokkrar erfiðar vikur er það almennt mjög stolt af sínum vinnustað og líður vel í vinnunni. Það er mín upplifun eftir daginn.“ Meira »

Vill framlengja rammasamning um ár

Í gær, 18:29 Svandís Svavarsdóttir heilbrigðisráðherra kynnti hugmyndir sínar um framtíðarfyrirkomulag við kaup á þjónustu sérgreinalækna á fundi í velferðarráðuneytinu í dag. Á fundinum lýsti Svandís vilja sínum til að framlengja gildandi rammasamning um eitt ár meðan unnið yrði að breyttu fyrirkomulagi. Meira »

Yndislegt að hjóla

Í gær, 18:25 Í Reykjavík hafa verið skapaðar góðar aðstæður fyrir hjólreiðafólk. Betur má þó gera. Valgerður Húnbogadóttir segir bíllaust líf henta sér vel. Meira »

Vön svona fréttaflutningi

Í gær, 17:30 „Í gegnum tíðina erum við mjög vön að sjá svona fréttaflutning,“ segir Inga Hlín Pálsdóttir, forstöðumaður hjá Íslandsstofu, um frétt Sunday Times um væntanlegt gos í Kötlu sem birtist um helgina. Frá því að Eyjafjallajökull gaus árið 2010 hafi það gerst reglulega í Þýskalandi og Bretlandi. Meira »

Valka ræður þrjá nýja stjórnendur

Í gær, 17:17 Hátæknifyrirtækið Valka hefur ráðið til starfa þrjá nýja stjórnendur, að því er fram kemur í tilkynningu frá fyrirtækinu.  Meira »

Engin kostnaðaráætlun lá fyrir

Í gær, 16:33 Kostnaður vegna hátíðarfundar Alþingis á Þingvöllum í sumar lá ekki fyrir fyrr en ljóst var hvaða tilboði vegna hennar yrði tekið. Þetta kemur fram í minnisblaði frá skrifstofu Alþingis til Steingríms J. Sigfússonar, forseta þingsins, sem birt hefur verið á vef þess. Meira »

Gagnrýndi fjársvelti SÁÁ

Í gær, 16:29 „Hvað er virkilega að gerast í þessum málum þegar við vitum að hver einasti fíkniefnasjúklingur þarf að nýta sér aðstöðu hjá SÁÁ?“ spurði Inga Sæland, þingmaður Flokks fólksins, og beindi orðum sínum að Svandísi Svavarsdóttur heilbrigðisráðherra á Alþingi. Meira »

Undirbúa aðgerðaáætlun vegna lyfjaskorts

Í gær, 16:15 Lyfjastofnun hefur boðað fulltrúa lyfjaframleiðenda og heildsöludreifingar til fundar vegna lyfjaskorts á ákveðnum lyfjum, sér í lagi krabbameinslyfja og gigtarlyfja. Samkvæmt upplýsingum frá Lyfjastofnun fer fundurinn fram á morgun. Sömuleiðis hefur verið boðað til fundar með lyfjagreiðslunefnd og Sjúkratryggingum Íslands á miðvikudag. Meira »
Húsaviðgerðir - husco.is
https://www.husco.is/...
Dansíþróttafélag leitar að æfingaaðstöðu
Dansíþróttafélag óskar eftir æfingaaðstöðu fyrir iðkendur sína. Veislusalir og ...
Ertu með krabbamein á byrjunarstigi?
Eftir hægðir setur þú eitt Ez Detect prófblað í salernið. Ef ósýnilegt blóð e...