Virkja einhverfa einstaklinga

Bjarni Torfi hefur alla tíð unnið mikið í félags- og ...
Bjarni Torfi hefur alla tíð unnið mikið í félags- og íþróttastarfi og segir hann vinnuna hjá Specialisterne að mörgu leyti líkt því sem hann hefur upplifað þar. Ljósmynd/Daði Gunnlaugsson

„Svona fyrst og síðast myndi ég segja að við séum að rjúfa félagslega einangrun og gefa þeim tækifæri til að vinna að verkefnum við hæfi,“ segir Bjarni Torfi Álfþórsson, framkvæmdastjóri Specialisterne á Íslandi um starfsemi félagsins. Specialisterne á Íslandi var stofnað árið 2011 en starf félagsins felst í því að þjálfa og meta atvinnulausa einstaklinga á einhverfurófinu og koma hluta þeirra í vinnu.

Specialisterne á Íslandi byggist á danskri fyrirmynd sem var stofnuð árið 2001 með það að markmiði að skapa milljón störf fyrir fólk á einhverfurófi á heimsvísu. Bjarni Torfi segir að upphafið á Íslandi megi rekja til foreldrahóps sem velti því fyrir sér hvað myndi verða um börnin þeirra þegar þau væru komin yfir tvítugt.

„Það er vel gert við einhverfa í leikskóla, grunnskóla og í sumum framhaldsskólum en eftir tvítugsaldurinn var fátt sem tók við.“

Ekki of mikil pressa

Specialisterne á Íslandi vinna með 14-18 einstaklingum á ári og á síðustu fimm árum hafa um 90 einstaklingar verið hluti af starfinu í styttri eða lengri tíma. Af þeim hefur rúmur helmingur farið í launaða vinnu eða nám en ekki allir treysta sér til að mæta reglulega og taka þátt.

„Við höfum reynt að vera ekki að pressa of mikið því fyrir marga er það stórt verkefni bara að fara á fætur og vera innan um annað fólk í fjóra til fimm tíma á dag.“

Starfsemin byggist á vikulegri dagskrá þar sem unnið er með erlenda og innlenda kennsluvefi, fræðslu og viðtöl og farið í líkamsrækt og sund en þess er ekki krafist að einstaklingar taki þátt í allri dagskránni.

„Okkar kúnst er að rjúfa félagslega einangrun og einveru, koma á svona eðlilegum rytma fyrir hvern og einn og finna svo styrkleika og áhugamál. Við reynum að finna áhugasvið hvers og eins svo allir hafi eitthvað að gera við sitt hæfi. Við viljum ekki ota neinu að þeim sem ekki á við, það fælir fólk frekar frá.“

Fjármögnun stór áskorun

Bjarni Torfi er fyrsti og eini framkvæmdastjóri Specialisterne á Íslandi til þessa en Specialisterne er sjálfseignarstofnun og því ekki rekin í hagnaðarskyni. Hann segir vinnuna skemmtilega en að vissulega sé erfitt að eiga í stöðugri baráttu vegna fjármögnunar. „Þetta er pínu bras, erfitt að fá fjármagn í reksturinn og svona.“

Íslenska starfstöðin er byggð upp á annan hátt en sú danska en þar fær félagið greiðslu frá sveitarfélögum fyrir hvern einstakling sem nýtir sér þjónustuna. Danska systurfélagið selur einnig þjónustu frá einstaklingum á sínum vegum og aflar sér því aukinna tekna á þann hátt.

„Það hefur aldrei neinn farið frá okkur í útselda vinnu. Allir sem hafa farið frá okkur vinna fyrir eigin vasa. Okkar ávinningur er í rauninni bara að skapa þeim vinnu.“

Bjarni Torfi segir Specialisterne á Íslandi þó vera í góðu samstarfi við nokkur sveitarfélög, velferðarráðuneytið og auk þess hafa Vinnumálastofnun og Virk keypt af þeim nokkur pláss. Hann vonast til að nú þegar félagið er orðið fimm ára og hefur sannað sig verði auðveldara að sækjast eftir fjármagni.

Bjarni Torfi Álfþórsson.
Bjarni Torfi Álfþórsson. mbl.is/Ófeigur Lýðsson

Mikið þakklæti

Bjarni Torfi segir þó að þakklætið sem hann og aðrir starfsmenn Specialisterne á Íslandi finna fyrir frá skjólstæðingum og aðstandendum þeirra vegi vel upp á móti því brasi sem fylgir starfinu. „Það gefur manni aukinn kraft. Þá þykir manni svo vænt um þetta og tímir ekki að hætta.“

Móðir eins skjólstæðingsins, sem ekki vill koma fram undir nafni, segir starfsemi Specialisterne á Íslandi vera til mikillar fyrirmyndar og að sonur hennar hafi verið ánægður frá fyrsta degi.

„Það er ekki hægt að útskýra hvað Specialisterne hefur verið mikil blessun. Þetta lyfti honum bara upp. Honum fannst þetta frá upphafi svo skemmtilegt og fróðlegt. Hann byrjaði smátt en svo jókst það og alltaf var hann jafn ánægður.“

Bjarni Torfi segir soninn hafa átt erfitt með félagslegt samneyti í upphafi en að smám saman hafi það batnað og aukist. Móðirin tekur í sama streng og segir son sinn nú yfirleitt borða hádegismatinn í mötuneytinu í vinnunni sem hann hefði ekki gert fyrir fimm árum.

„Ef það er eitthvað sem hefur verið gert vel á Íslandi þá er það þetta. Þetta er bara svo frábært.“

Í hálfu starfi hjá Þjóðskrá

Ásgeir Guðmundsson hefur unnið hjá Þjóðskrá í rúmt ár. Hann segist hafa leitað til Specialisterne á Íslandi því hann vildi finna vinnu sem hentaði honum. Ásgeir vann áður hjá Póstinum en hann var að eigin sögn oft kvíðinn yfir veðrinu daginn áður en hann átti að bera út.

Ásgeir starfar hjá Þjóðskrá. Hann getur verið kvíðinn og því ...
Ásgeir starfar hjá Þjóðskrá. Hann getur verið kvíðinn og því á rútínan í starfinu vel við hann. mbl.is/Ófeigur Lýðsson

Vegna kvíðans var Ásgeir einnig lengi hjá Specialisterne áður en hann fann vinnu en honum þótti erfitt að taka þetta stóra skref. Hann er þó að eigin sögn mjög ánægður í starfi núna.

„Það er gott að vera kominn með vinnu og vera ekki hangandi alltaf heima.“ Ásgeir mætir klukkan sjö á morgnana svo hann geti verið búinn snemma. „Mér finnst mjög þægilegt að vera bara í svona hálfs dags vinnu. Ég met mjög mikið allan minn frítíma.“

Anna Eyberg Hauksdóttir er verkefnastjóri hjá Þjóðskrá og yfirmaður Ásgeirs. Hún segir Ásgeiri ganga vel í starfi en að auðvitað hafi samstarfið krafist aðlögunartíma. „Þetta hefur bara gengið mjög vel. Þetta er náttúrlega svona nákvæmisvinna og það er það sem hann er góður í.“

Merki með meiningu

Starfsstöðvar Specialisterne um allan heim leggja áherslu á að draga fram styrkleika einstaklinga á einhverfurófinu. Merki félagsins er bifukolla og segir Bjarni Torfi það vera skírskotun í að allir hafi eitthvað fram að færa. „Merkið er túnfífill eða bifukolla. Flestir líta á túnfífilinn sem illgresi og hugsa ekki um hann sem skemmtilega plöntu. En túnfífillinn hefur lækningamátt því úr honum er hægt að vinna magastemmandi meðöl. Boðskapurinn í þessu er að það skiptir máli með hvaða augum maður lítur einstaklinginn,“ segir Bjarni Torfi.

Eins og túnfífillinn eigum við öll okkar sterku hliðar sem við nýtum okkur í lífi og störfum.

„Þannig er það með flest okkar. Við erum misgóð í hlutunum. Þeir sem eru einhverfir eða öryrkjar vegna einhvers annars hafa allir eitthvað, einhvern styrk sem getur nýst í atvinnulífinu.“

Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Innlent »

Gengur ekki til lengdar

13:55 Varðstjóri lögreglunnar á Suðurlandi var mættur í Reynisfjöru um hálfsjöleytið í morgun til að setja upp nýja borða sem girða af austasta hluta fjörunnar eftir að stór skriða féll þangað úr Reynisfjalli aðfaranótt þriðjudags. Meira »

Langir biðlistar vandræðaástand

13:27 Dóra Ingvadóttir, formaður Gigtarfélags Íslands, segir langa biðlista eftir því að fá tíma hjá gigtarlækni vera vandræðaástand. Hún bætir við að margir gigtarlæknar muni hverfa frá störfum á næstu árum sökum aldurs og hefur áhyggjur af því að ungir læknar sem sérmennta sig erlendis snúi ekki aftur til Íslands. Meira »

Líklega hæsta krafa allra tíma

13:19 Lögmaður Kristjáns Viðar Viðarssonar, sem dæmdur var í 16 ára fangelsi vegna Guðmundar- og Geirfinnsmálanna árið 1980 en sýknaður í fyrrahaust, hefur lagt fram bótakröfu í máli hans sem hann áætlar að verði sú langhæsta í Íslandssögunni vegna óréttar í sakamáli. Meira »

Furðar sig á þeim sem gera lítið úr Ásgeiri

12:53 „Við þurfum greinilega að ræða stam og málhelti meira sem samfélag,“ segir Dagur B. Eggertsson borgarstjóri í færslu á Facebook-síðu sinni. Dagur furðar sig á fólki sem hefur gert lítið úr Ásgeiri Jónssyni, sem tók við starfi Seðlabankastjóra í vikunni, sökum þess að hann stamar. Meira »

Kafbátur við leit í Þingvallavatni

12:50 Kafbátur hefur hafið leit að nýju í Þingvallavatni að belgíska ferðamanninum sem talinn er hafa fallið í vatnið í síðustu viku. Hann fer tvær ferðir í dag og kafar í fimm klukkustundir í senn. Myndefni úr honum verður svo skoðað í kvöld og næstu daga. Meira »

Ákvörðun Katrínar vekur heimsathygli

12:02 Er Katrín Jakobsdóttir forsætisráðherra að sýna samnorrænum ráðherrum sínum stuðning með því að vera ekki á landinu þegar Mike Pence, varaforseti Bandaríkjanna, kemur í heimsókn til Íslands í byrjun næsta mánaðar? Meira »

Þeir sem vita gefi sig fram

11:45 „Ég hvet þá sem enn eru á lífi og vita hvað gerðist í Guðmundar- og Geirfinnsmálinu að stíga fram og útskýra hvað gerðist. Fyrr lýkur þessum málum ekki.“ Þetta segir Ragnar Aðalsteinsson, lögmaður Guðjóns Skarphéðinssonar eins þeirra sakborninga í málinu sem sýknaðir voru í Hæstarétti í fyrra. Meira »

Ræða verklag lögreglu á borgarhátíðum

11:39 Sigríður Björk Guðjónsdóttir, lögreglustjóri á höfuðborgarsvæðinu, hefur boðað komu sína á fund mannréttinda-, nýsköpunar- og lýðræðisráðs Reykjavíkurborgar í dag, en þar verður verklag lögreglu á hátíðum á vegum borgarinnar til umræðu. Meira »

Þór dregur fiskibát í land

11:34 Skipstjóri á fiskibáti með bilaða stýrisvél á Húnaflóa hafði samband við stjórnstöð Landhelgisgæslunnar snemma í morgun og óskaði eftir aðstoð. Meira »

CLN-máli áfrýjað til Landréttar

11:21 Embætti ríkissaksóknara hefur áfrýjað CLN-málinu svokallaða, sem einnig hefur verið kallað Chesterfield-málið, til Landsréttar. Helgi Magnús Gunnarsson vararíkissaksóknari staðfestir þetta í samtali við mbl.is. Meira »

Búið að ráða í 98% stöðugilda

11:17 Búið var að ráða í 98% stöðugilda í grunnskólum borgarinnar og 96% í leikskólum 16. ágúst, að því er fram kemur í tilkynningu frá Reykjavíkurborg. Er ekki seinna vænna, enda hefst skólastarf í grunnskólum í dag. Meira »

Allt að árs bið eftir gigtarlækni

10:58 Bið eftir tíma hjá gigtarlækni er nú tveir til tólf mánuðir, sem er mun lengri tími en viðmiðunarmörk embættis landlæknis segja fyrir um. Meira »

Styrkja félaga sem lenti í bílslysi

10:46 Annað kvöld fer fram leikur Knattspyrnufélagsins Elliða og Ægis á Würth-vellinum í Árbæ, þar sem fé verður safnað til styrktar Aroni Sigurvinssyni, ungum manni sem lenti í alvarlegu bílslysi til móts við Rauðhóla um verslunarmannahelgina. Hann var tíu daga á gjörgæslu, en er nú á batavegi. Meira »

Á 200 km/klst. í hrauninu

09:42 „Það verður bara asnalegt að keyra bílinn hratt á almennum vegi,“ segir Benedikt Eyjólfsson, eigandi Bílabúðar Benna, um útrásina sem fæst af því að keyra hratt í Kvartmílubrautinni. Í vikunni hefur fólki gefist kostur á að prufa nýjustu Porsche-bílana í brautinni og fá kennslu hjá finnskum ökuþór. Meira »

3,1% atvinnuleysi í júlí

09:13 3,1% atvinnuleysi var í júlí, samkvæmt árstíðaleiðréttingu Hagstofu Íslands. Litlar breytingar voru á milli mánaða og var árstíðaleiðrétt atvinnuþátttaka 81,2%, sem er rétt um 0,2 prósentustigum lægra en í júní. Meira »

Sandauðnirnar þekja um fimmtung Íslands

08:18 Sandauðnir þekja um 22.000 km2 af Íslandi. Áfokið frá sandauðnunum hefur haft mikil áhrif á vistkerfi landsins. Áður gat sandfokið verið slíkt að búfénaður drapst og bújarðir lögðust í eyði bæði á Suðurlandi og Norðausturlandi. Það voru hamfarir sem fólk í dag á bágt með að skilja. Meira »

Pysjum fjölgar og stofn styrkist

07:57 Ævintýratími er nú runninn upp í Vestmannaeyjum. Helsta skemmtun krakka í bænum er að leita uppi pysjur sem nú á síðsumarskvöldum sveima úr klettum og fjöllum að ljósunum í bænum, en fatast þar flugið. Meira »

Fjarlægðu tvö tonn af drasli úr fjörunni

07:37 Forseti Íslands, Guðni Th. Jóhannesson, og fjöldi sjálfboðaliða lögðu Marglyttunum og Bláa hernum lið við að hreinsa fjöruna í Mölvík við Grindavík í gærkvöldi. Meira »

Allt að 18 stiga hiti

07:08 Búast má við norðaustlægri eða breytilegri átt, 3-10 m/s, hvassast norðvestanlands, í dag. Skýjað og dálítil væta fyrir austan, en bjartara yfir og þurrt að kalla vestan til. Þó einhverjar smáskúrir síðdegis. Meira »
Gagnvirkir UHD skjáir ( 4k )
Upplýsingar gefur Ólafur hjá Varmás ehf. sími 566 8144...
HARMÓNIKUHURÐIR SPARA MIKIÐ PLÁSS
Smíðum eftir máli, oft afgreiddar samdægurs, verð frá kr. 13.900,- Sími 615 175...
Til sölu byggingarkrani
Byggingarkrani Liebherr 112 EC-H árg. 1992, með skoðun og í notkun. Áhugasamir h...
Sultukrukkur,minibarflöskur ...
Til sölu...Ca 100 gler krukkur.til sölu. Frekar litlar. Einnig ca 200 smáflösku...