Bröndótta læðan Pál Dáníelsdóttir dvelur á Fosshótel Hellnum á Snæfellsnesi og gegnir þar starfi músavarðar. Hún fékk starfsmannakort um daginn og eigandi hennar deildi myndinni á Facebook síðunni sívinsælu Spottaði kött. Myndin fór strax í dreifingu á netinu og hefur fengið níu þúsund læk á Reddit.
Pál er líka orðin stjarna á Twitter.
Meanwhile, in Iceland. pic.twitter.com/oiDpYUOGy7
— RustyBertrand (@RustyBertrand) October 7, 2018
Og nú hafa eigendur hennar, Dániel Puskás og Zsuszi Sabó stofnað Instagram-reikning fyrir hennar hönd sem er strax kominn með yfir 600 fylgjendur. Dáníel og Zus eru frá Ungverjalandi og komu hingað árið 2016 þegar þau byrjuðu að vinna á Hótel Núpum. Þaðan fóru þau svo að vinna fyrir Fosshótel Hellnar árið 2018 en kötturinn Pál er fædd árið 2016 á Selfossi.
„Hún er fædd á Selfossi og fylgdi okkur á Fosshótel Hellnar," segir Zsuszi „Hún er svo dugleg við að veiða mýs að það var ekki spurning um annað en að hún fengi líka starfsmannakort," útskýrir hún.
Að sögn Fosshótela er tekið vel á móti öllu starfsfólki í hótelkeðjunni. „Við reynum að skapa jákvætt og skemmtilegt umhverfi fyrir starfsfólk og gesti. Þetta er tilraunastaða sem stendur en ef vel gengur mun skoðað um að fjölga „Mousekeeperum“ eða „Músvörðum.“
Áhugasamir geta fylgst með ævintýrum Pál The Mousekeeper á Instagram Hér.
View this post on InstagramA post shared by Pál Dánielsdóttir (@pal.the.mousekeeper) on Oct 8, 2018 at 6:00pm PDT