Sköpun í íslensku atvinnulífi og menntakerfi verður til umfjöllunar á Menntadegi atvinnulífsins í dag sem fer fram í Hörpu. Forseti Íslands, Guðni Th. Jóhannesson, flytur ávarp, og þá munu hann og Lilja Alfreðsdóttir, mennta- og menningarmálaráðherra, veita fyrirtækjum sem skara fram úr í fræðslu- og menntamálum starfsmanna Menntaverðlaun atvinnulífsins 2020.
Hægt er að fylgjast með dagskránni í beinni útsendingu hér á mbl.is.
Menntadagurinn er árlegur viðburður, að honum standa Samtök atvinnulífsins, Samorka, Samtök ferðaþjónustunnar, Samtök fjármálafyrirtækja, Samtök fyrirtækja í sjávarútvegi, Samtök iðnaðarins og Samtök verslunar og þjónustu.