27 smitaðir og tæplega 400 í sóttkví
Setja bókamerki
Alls eru 27 einstaklingar greindir með kórónuveiruna í Vestmannaeyjum en 16 tilfelli voru staðfest í gær. Einum sjúklingi hrakaði í gær og var hann fluttur með sjúkraflugi á Landspítalann. Alls eru 397 íbúar Vestmannaeyja í sóttkví.
Þetta kemur fram í færslu lögreglunnar í Vestmannaeyjum á Facebook.
Af þeim 16 sem greindust í dag voru 10 þegar í sóttkví.
Í færslunni kemur fram að búist hafi verið við talsverðu af jákvæðum sýnum í gær en nokkuð var tekið af sýnum hjá einstaklingum sem höfðu verið í nánum samskiptum við fólk með staðfest smit.
„Jákvæð svörun var þó heldur meiri en búist var við. Vinna við smitrakningu og sóttkvíun í tengslum við þessi nýju tilfelli fór strax í gang þegar niðurstaða fór að berast og er enn í gangi,“ segir í færslunni.
Reglur vegna kórónuveirufaraldursins voru hertar í Vestmannaeyjum í gær og nú mega ekki fleiri en 10 koma saman.
Óvenju útbreidd veikindi í 7. bekk reyndust ekki af völdum kórónuveirunnar. Allir nemendur í 7. bekk og starfsfólk grunnskólans í þeim bekkjum var sett í tímabundna úrvinnslukví á meðan málið var skoðað.
Enginn af hinum veiku úr 7. bekk sýnir merki um kórónuveiruna sem veldur COVID-19 og því verður úrvinnslukví aflétt af þeim nemendum og starfsfólki sem eru ekki í sóttkví af öðrum ástæðum.
Handteknir eftir myndatöku í Vesturbæjarlaug
„Hvílir mikil leynd yfir þessu öllu“
Tóku upp hanskann fyrir leikskólabörn
Hernaðaraðstoð samþykkt – Vopnasendingar í vikunni
Veiting hvalveiðileyfis ekki brot á EES-samningi
Tveir í bílnum sem lenti utan vegar