Ákærður eftir mótmæli í dómsmálaráðuneytinu

Kári Orrason, 23 ára gamall baráttumaður fyrir réttindum flóttafólks, hefur verið ákærður fyrir að óhlýðnast fyrirmælum lögreglu við mótmæli í dómsmálaráðuneytinu í apríl á síðasta ári. Kári var þar að mótmæla ásamt félögum sínum úr samtökunum No Borders en þeir kröfðust fundar með dómsmálaráðherra um aðbúnað flóttamanna í landinu.

Frá þessu er greint í Fréttablaðinu í morgun, en þar skrifar Kári einnig opið bréf til Höllu Bergþóru Björnsdóttur, lögreglustjóra á höfuðborgarsvæðinu, þar sem hann lýsir yfir vonbrigðum með lögreglustjórann, sem hann segist hafa talið víðsýna og góðhjartaða eftir að hafa talið sig sjá hana á samstöðumótmælum með Black Lives Matter-hreyfingunni í síðasta mánuði.

Frétt af mbl.is

Mótmæltu við dómsmálaráðuneytið

Mótmælin voru haldin 4. apríl í fyrra í húsnæði dómsmálaráðneytisins við Sölvhólsgötu og komu í kjölfar mótmæla hælisleitenda við Austurvöll þar sem krafist var, meðal annars, bætts aðbúnað fyrir hælisleitendur að Ásbrú.

Frétt af mbl.is

Valdbeiting lögreglu talin nauðsynleg

Óskað var eftir aðstoð lögreglu eftir að mótmælendur sem höfðu komið sér fyrir í anddyrinu neituðu að fara. Lögreglumenn sem komu á vettvang drógu suma mótmælendur út úr byggingunni eftir að þeir neituðu að hlýða fyrirmælum.

Hinir handteknu voru fyrst sakaðir um húsbrot en það mál var látið niður falla. Fimm voru í hópnum, en tveimur þeirra hefur nú verið birt ákæra, Kára og Borys Ejryszew. Verði þeir sakdelldir eiga þeir yfir höfði sér sekt.

• Blogga um frétt