Mótmæltu við dómsmálaráðuneytið

Óskað var eftir aðstoð lögreglu við dómsmálaráðuneytið um hádegisbil þegar hópur mótmælenda hafði komið sér fyrir í anddyri ráðuneytisins við Sölvhólsgötu.

Um fámennan hóp var að ræða á vegum Refugees in Iceland og No Borders Iceland að berjast fyr­ir kröf­um hæl­is­leit­enda, líkt og gert hefur verið síðustu vikur, meðal annars á Austurvelli. 

Frétt af mbl.is

Mótmælin halda áfram á Austurvelli

Hafliði Helgason, upplýsingafulltrúi dómsmálaráðuneytisins, segir í samtali við mbl.is að allir hafi sinn rétt til að mótmæla. „En það er annað að vera inni í byggingum, þeim var bara vísað út fyrir þröskuldinn,“ segir hann. Hafliði segir að aðgerðir lögreglu hafi farið friðsamlega fram. 

Mótmælendum var vísað út úr anddyri dómsmálaráðuneytisins. Ljósmynd/Eva Björk

Við dómsmálaráðuneytið í hádeginu í dag. Ljósmynd/Eva Björk

• Blogga um frétt