„Við mælingar í morgun kom í ljós að gasmengun er á svæðinu og er mælingin komin upp fyrir hættumörk. Svæðið við gosstaðinn er því lokað og er fólk beðið um að virða þá lokun. Mjög hættulegt er að nálgast gosið eins og er,“ segir í nýrri viðvörun frá almannavarnadeild ríkislögreglustjóra.

Mjög slæmt verður var á gosslóðum í nótt og margir sem lentu í hrakningum á leið sinni til baka þaðan og nokkrir sem villtust og leita þurfti að. Fjöldahjálparstöð var opnuð í Grindavík og fólk flutt þangað áður en það gat haldið áfram til síns heima.

Búast má við gasmengun vegna eldgossins á Reykjanesi, mest nærri upptökunum. Gasdreifing er til norðausturs frá gosstöðvum í átt að höfuðborgarsvæðinu, en ólíklegt er að gasstyrkur verði hættulegur þar samkvæmt upplýsingum frá Veðurstofu Íslands.

Tengdar fréttir

Eldvirkni á Reykjanesskaga

Virknin færist í aukana innan 48 tíma

• Sennilega gróðureldur, ekki ný sprunga
• Virknin enn ekki sótt í sig veðrið
• Réttara að gosið aukist
• Vara við gönguferðum að gosinu

» Fleiri tengdar fréttir

• Blogga um frétt