Sex tilkynningar um andlát í kjölfar bólusetninga við Covid-19 hafa borist Lyfjastofnun í júní.
Alls hafa 26 slíkar tilkynningar borist, flestar í janúar þegar elsti hópurinn var bólusettur hérlendis.
Þetta kemur fram í uppfærðum tölum frá Lyfjastofnun.
Að svo komnu er ekkert bendir til orsakasamhengis milli tilkynntra andláta og bólusetninga gegn Covid-19. Lyfjastofnun hefur hvatt alla til að tilkynna grun um alvarlegar aukaverkanir í kjölfar bólusetninga við Covid-19.
Til dagsins í dag hafa 124 tilkynningar vegna gruns um alvarlega aukaverkun borist Lyfjastofnun.
Skiptast þær svo:
Comirnaty (BioNTech/Pfizer): 55 alvarlegar tilkynningar, þar af vörðuðu 21 andlát.
Spikevax (Moderna): 13 alvarlegar tilkynningar, engin þeirra varðaði andlát.
Vaxzevria (AstraZeneca): 52 alvarlegar tilkynningar, þar af vörðuðu 4 andlát.
COVID-19 Vaccine Janssen: 4 alvarlegar tilkynningar, þar af varðaði ein andlát.