71 smit greindist innanlands

Röð í sýnatöku við Suðurlandsbraut í síðustu viku.
Röð í sýnatöku við Suðurlandsbraut í síðustu viku. mbl.is/Unnur Karen

71 smit greindist innanlands í gær. Þetta kemur fram í uppfærðum tölum á covid.is. 32 voru í sóttkví við greiningu og 39 utan sóttkvíar. 

Alls eru nú 612 í einangrun og 1.805 í sóttkví. Tveir eru á sjúkrahúsi með Covid-19, en þeir voru fjórir um helgina. 

Ekkert smit greindist á landamærunum í gær. 

Í gær greindist 61 smit við einkennasýnatöku og tíu smit við sóttkvíar- og handahófsskimanir. Af þeim sem greindust í gær voru 53 fullbólusettir, bólusetning var hafin hjá einum og 16 voru óbólusettir. 

Alls voru 1.567 sýni tekin við einkennasýnatöku í gær. 500 sýni voru tekin við landamæraskimun og 799 sýni voru tekin við sóttkvíar- og handahófsskimanir. 

Í fyrradag greindust 88 smit innanlands og voru 34 í sóttkví við greiningu. 

Fréttin hefur verið uppfærð. 

mbl.is