Á skjálftavef Veðurstofunnar skutu þrír draugaskjálftar upp kollinum nú fyrir hádegi. Ekki er um eiginlega skjálfta að ræða heldur óyfirfarnar niðurstöður úr sjálfvirku jarðskjálftakerfi sem sýndu skjálfta á nokkuð grunsamlegum slóðum.

Frétt af mbl.is

Villa gaf í skyn stóran skjálfta við Keili

Einn „skjálftinn“ kom fram í kerfinu við Nýjadal og var skráður 4,0 að stærð. Hinir lentu á Suðausturlandi, nærri Kirkjubæjarklaustri og Vík. Að sögn sérfræðings á Veðurstofunni geta svona villur komið upp þegar mikil virkni er í gangi og ruglingur verður í mælingum.

„Skjálftinn“ við Nýjadal var þannig skráður rétt eftir skjálftann upp á 3,6 í morgun sem vakti fólk víða á höfuðborgarsvæðinu. Þessir draugaskjálftar fá hins vegar aldrei fullan gæðastimpil frá starfsfólki Veðurstofunnar fyrr en búið er að yfirfara þá nákvæmlega (en þá eru gæði upp á 99% skráð). Mun þessi færsla því verða tekin úr kerfinu fyrr en varir, en færslurnar tvær um skjálfta á Suðausturlandi eru þegar komnar út úr skjálftakerfinu.

„Skjálftinn“ við Nýjadal verður tekinn út innan tíðar. Tafla/Veðurstofan

Tengdar fréttir

Eldvirkni á Reykjanesskaga

„Var jákvæð en er núna reið, fúl og pirruð“

• „Maður sefur ekki á næturnar“
• Kvikan virðist nú skiptast til helminga
• Segir Þórkötlu reyna að slá mótmæli niður
• Hafa samþykkt kaup fyrir um 9,2 milljarða

» Fleiri tengdar fréttir

• Blogga um frétt