Síðustu sjö daga hafa 35 einstaklingar með tengsl við Úkraínu sótt um alþjóðlega vernd á Íslandi eða í kringum 5 einstaklingar á dag. Ef sambærilegur fjöldi verður næstu vikur má gera ráð fyrir 128 manns næstu fjórar vikurnar.
Frá áramótum hafa 1302 einstaklingar sótt um alþjóðlega vernd á Íslandi. Þar eru einstaklingar frá Úkraínu fjölmennastir, eða 850 einstaklingar, en þar á eftir eru einstaklingar frá Venesúela, eða 263 einstaklingar. Alls skiptast umsækjendur á 33 ríkisföng segir í stöðuskýrslu landamærasviðs Ríkislögreglu í dag.