Alvarleg netárás var gerð á Tækniskólann í Reykjavík snemma í morgun, að því er fram kemur í tilkynningu frá skólanum.
Truflanir höfðu orðið á innra neti skólans og í fyrstu var talið að um bilun væri að ræða.
Eftir bilanagreiningu kom í ljós að um netárás var að ræða og vinnur tölvudeild skólans nú hörðum höndum að því að komast til botns í málinu.
Leitað hefur verið til sérfræðinga á sviði netöryggismála og Tækniskólinn hefur beðist velvirðingar á þeim óþægindum sem þetta veldur.