Skýrsla vegna Reykjanesbrautar eftir helgi

Frá Reykjanesbraut fyrir jól.
Frá Reykjanesbraut fyrir jól. mbl.is/Eggert Jóhannesson

Starfshópur sem Sigurður Ingi Jóhannsson innviðaráðherra skipaði til að semja drög að áætlun til að takast á við aðstæður eins og sköpuðust á Reykjanesbraut fyrir jól á að skila af sér skýrslu í næstu viku

Starfshópurinn er skipaður fulltrúum frá Vegagerðinni, ríkislögreglustjóra og lögreglustjóranum á Suðurnesjum. Fulltrúi frá innviðaráðuneytinu stýrir vinnunni. Hlutverk hópsins er að fara yfir það sem gerðist, greina atburðarásina og hvað hefði betur mátt fara.

„Við erum á fullu að vinna í þessu með þessum hópum,“ segir Hjördís Guðmundsdóttir, samskiptastjóri hjá almannavörnum.

„Við rýnum í allt sem við gerum og það er því eðlilegt fyrir okkur rýna í þetta,“ bætir hún við.

Uppfært kl. 14:57 

Upphaflega í fréttinni var talað um að skýrslan ætti að liggja fyrir 10. janúar nk. Innviðaráðuneytið bendir aftur á móti á að starfshópurinn stefni að því að skila af sér skýrslunni í lok næstu viku. Leiðréttist þetta hér með. 

mbl.is
Fleira áhugavert
Fleira áhugavert