Losnað um hnútinn en langt í land
Setja bókamerki
Sonja Ýr Þorbergsdóttir, formaður BSRB, segir aðeins hafa losnað um hnútinn í kjaraviðræðum BSRB og SNS. Þó sé enn langt á milli samningsaðila.
„Þetta byrjaði í mjög hörðum hnút og ég myndi segja að það hafi aðeins losnað um hann. Við erum að færast nær hvort öðru en það er því miður enn þá mjög langt á milli,“ segir Sonja Ýr í samtali við mbl.is
Hún segir að samtal sé á milli samningsaðila á milli samningafunda hjá ríkissáttasemjara.
„Vonandi verður samningafundur sem fyrst,“ segir Sonja.
Hún segir verkfallsvörslu hafa gengið vel og nefnir sérstaklega grunnskólana og leikskólana.
„Þetta hefur verið samvinnuverkefni að fólk sé ekki að ganga í störf okkar fólks,“ segir Sonja og bætir við að hún hafi ekki heyrt um nein verkfallsbrot.
Munar um aukagreiðslur
Sonja Ýr birti tvo launaseðla til samanburðar á Facebook-síðu sinni í gær. Um 45 þúsund króna munur er á laununum fyrir skatt hjá starfsfólki í leikskólum Reykjavíkur og öðrum sveitarfélögum.
„Markmiðið með færslunni var að draga fram að það væri munur á launum fólks eftir því hvort það starfar á leikskólum í Reykjavík eða í öðrum sveitarfélögum, því það eru aukagreiðslur samkvæmt kjarasamningum fyrir starfsfólk leikskóla hjá Reykjavík sem er ekki hjá hinum sveitarfélögunum og það er hluti af okkar kröfum. Markmiðið var að endurspegla það. Við vorum að horfa á heildarlaunagreiðslurnar fyrir skatt,“ segir Sonja Ýr.
Skiptir miklu meira máli en fólk grunar
Telur forsendur fyrir vaxtalækkun
Veiting hvalveiðileyfis ekki brot á EES-samningi
Sex hafa greinst með listeríu
Banna mengandi búnað sem leyfður er á Íslandi
Gígbarmurinn hækkað frá því í gær
Árshátíð ríkislögreglustjóra haldin í Tékklandi
„Hvílir mikil leynd yfir þessu öllu“