Líklega verður ágætis veður til þess að virða fyrir sér gosstöðvarnar í dag, að því er fram kemur í hugleiðingum veðurfræðings hjá Veðurstofu Íslands.

Með morgninum bætir heldur í vind, víða norðlæg átt og 8-13 m/s eftir hádegi. Hægari vindur verður á Suðurlandi og í innsveitum norðaustan- og austanlands.

Um norðanvert landið verður skýjað með köflum og víða dálítil væta, hiti 5-10 stig.

Syðra verður þurrt og bjart, hiti allt að 18 stigum en líkur á skúrum suðaustan til.

„Það er því líklega ágætis veður til þess að virða fyrir sér gosstöðvarnar í dag. Þurrt, bjart og milt veður með stinningsgolu eða kalda til þess að blása gasinu burt, að því gefnu að gasstraumurinn liggur ekki yfir gönguleiðina,“ segir í hugleiðingunum.

Rigning á norðanverðu landinu

Á morgun verður norðan- og norðvestanátt 8-15 m/s. Sums staðar verður hvassara í vindstrengjum við fjöll, sérstaklega annað kvöld.

Þá rignir um norðanvert landið og verður svalt í veðri, en áfram þurrt og bjart syðra og milt að deginum.

Veðurvefur mbl.is.

Tengdar fréttir

Eldvirkni á Reykjanesskaga

Horfa nú til næstu tveggja vikna

• Nýjar þrívíddarmyndir sýna rúmmál hraunsins
• Hefði átt að setja neyðarstjórn yfir Grindavík
• „Horfum björt fram á veg“
• Hættustigi lýst yfir

» Fleiri tengdar fréttir

• Blogga um frétt