„Hraunið kemur enn þá bara úr sama gígnum og rennur enn þá til suðurs eða suðausturs, svona allt eftir því hvernig landslagið er þarna og var víst að nálgast gamla hraunið í Meradölum en ég er ekki búin að fá það staðfest,“ segir Bjarki Kaldalóns Friis, náttúruvársérfræðingur hjá Veðurstofu Íslands. 

Að sögn Bjarka heldur áfram að malla en engar meiriháttar breytingar eru á stöðu eldgossins.  Segir hann að engin leið sé að vita hversu lengi komi til með að gjósa en hægt sé að sjá magn kvikunnar og greinir hann frá því að við seinustu mælingar hafi mælst um tólf rúmkílómetrar.

Tekur hann fram að nokkuð vindasamt sé búið að vera við gosstöðvarnar, bæði í dag og í gær enda hafa gróðureldar grasserað við gosstöðvarnar. Þar að auki sé Veðurstofan ávallt að fylgjast með skjálftavirkninni en að sögn Bjarka er hún búin að minnka til muna síðan gosið hófst. 

Tengdar fréttir

Eldvirkni á Reykjanesskaga

Virknin enn ekki sótt í sig veðrið

• Réttara að gosið aukist
• Vara við gönguferðum að gosinu
• Nærri tíu milljónir rúmmetra af kviku
• Gylfi Þór ráðinn í samhæfingu vegna Grindavíkur

» Fleiri tengdar fréttir

• Blogga um frétt