Slökkvilið hefur ekki þurft að slökkva gróðurelda við gosstöðvarnar í dag. Hins vegar þurfa slökkviliðsmenn sennilega að snúa aftur á morgun þar sem líklegt er að gróðureldar teygi aftur úr sér ef það fer ekki að rigna á Reykjanesskaga.

„Við náðum tökum á þessu í fyrradag og vorum í gær að slökkva í þeim blettum þar sem eldurinn fór af stað aftur,“ segir Einar Sveinn Jónsson, slökkviliðsstjóri í Grindavík, við mbl.is.

„Við vonuðumst eftir að veðurspáin myndi rætast og það myndi rigna, en ég held að það sé engin rigning í kortunum.“

Frétt af mbl.is

Opnað fyrir styttri leið að gosinu

Þurfa líklega að snúa aftur á morgun

Hann segir að slökkviliðið hafi ekki verið við gosstöðvarnar í dag en þurfi líklegast að mæta á morgun þar sem kviknað hefur aftur í bletti við Litla-Hrút.

„Við vitum af einum smábletti sem er að byrja aftur. Við þurfum sennilega að bregðast við því á morgun. Annars erum við búin að ná fullum tökum á þessu,“ segir hann.

„Það er alltaf hætta á því að þetta fari af stað aftur ef það rignir ekkert.“

Veður­fræðing­ur hjá Veður­stofu Íslands sagði í sam­tali við mbl.is í dag að spár gerðu ráð fyr­ir að hlýj­ast yrði á Suður- og Vest­ur­landi um helg­ina en bú­ast mætti við vætu á stöku stað, ekki síður við gosstöðvarnar.

Frétt af mbl.is

Hlýjast á Suður- og Vesturlandi um helgina

Tengdar fréttir

Eldvirkni á Reykjanesskaga

Horfa nú til næstu tveggja vikna

• Nýjar þrívíddarmyndir sýna rúmmál hraunsins
• Hefði átt að setja neyðarstjórn yfir Grindavík
• „Horfum björt fram á veg“
• Hættustigi lýst yfir

» Fleiri tengdar fréttir

• Blogga um frétt