„Það rann hraun yfir svæði þar sem var ekki hraun áður,“ segir Páll en umfang þess svæðis sem nýtt hraun þekur nú hefur stækkað umtalsvert fyrir vikið.

„Svo verður framtíðin að leiða í ljós hvaða áhrif þetta nákvæmlega hefur, bæði á gosið sjálft og rennslið frá því.“

Páll segir þennan viðburð í sjálfu sér eðlilegan í framþróun gossins miðað við reynslu úr fyrri gosum. „Þetta er hluti af því hvernig eldstöð vex. Það sem er furðulegra er hversu þetta er búið að vera stöðugt frá öðrum og þriðja degi.“

Frétt af mbl.is

Útsýni skert eftir að gígbarmur brast

Landslagið breytist hægt

Páll segir ómögulegt að segja til um hver framvinda næstu daga og vikna verði. „Landslagið breytist hægt og rólega.“

Hann segir hraunið renna nú að mestu niður dal þannig að hraunið renni í ákveðna átt í stað þess að flæða um víðerni. Páll segir ómögulegt að spá fyrir um framhaldið en ný gögn sem birt voru í gær bendi til þess að það muni heldur draga úr hraunflæðinu á næstunni frekar en það bæti í það.

Meira í Morgunblaðinu í dag, fimmtudag.

Páll Einarsson jarðeðlisfræðingur segir mikilvægt að fylgjast vel með stöðu mála er varðar eldgosið á Reykjanesskaga. mbl.is/Sigurður Bogi

Tengdar fréttir

Eldvirkni á Reykjanesskaga

Horfa nú til næstu tveggja vikna

• Nýjar þrívíddarmyndir sýna rúmmál hraunsins
• Hefði átt að setja neyðarstjórn yfir Grindavík
• „Horfum björt fram á veg“
• Hættustigi lýst yfir

» Fleiri tengdar fréttir