Meðalhraunrennsli frá 18.-23. júlí var um 8,0 m³/s, sem er svipað og í gosunum árið 2021 og 2022.

Þetta kemur fram í uppfærðri tilkynningu Veðurstofu. Veðurstofan hefur þá sett upp nýja vefmyndavél í samvinnu við almannavarnir til þess að vakta mögulegt yfirflæði hrauns út úr Meradölum og áfram í suðurátt.

Tvisvar hefur hraunið breytt um farveg frá gosopinu við Litla-Hrút, sem hefur hægt á framgangi hraunsins til suðurs. Á þessu stigi er sagt erfitt að meta hvort og þá hvenær hrauntungan nær út úr skarðinu í Meradölum.

Nú hefur gosið í um tvær vikur og er flatarmál nýja hraunsins orðið um 1,2 km² og rúmmál þess um 12,4 milljónir rúmmetra. 

Frétt af mbl.is

Hraunið orðið stærra en það gamla

Tengdar fréttir

Eldvirkni á Reykjanesskaga

Horfa nú til næstu tveggja vikna

• Nýjar þrívíddarmyndir sýna rúmmál hraunsins
• Hefði átt að setja neyðarstjórn yfir Grindavík
• „Horfum björt fram á veg“
• Hættustigi lýst yfir

» Fleiri tengdar fréttir

• Blogga um frétt