Tugir slökkviliðsmanna á leið á gosstöðvarnar
Setja bókamerki
Slökkviliðsmenn í Grindavík eru lagðir af stað að gosstöðvunum við Litla-Hrút en alls munu hátt í 30 manns sinna slökkvistörfum á svæðinu í dag.
Um er að ræða stærstu aðgerðir gegn gróðureldunum frá því að gosið hófst á Reykjanesskaga.
Einar Sveinn Jónsson, slökkviliðsstjóri í Grindavík, vonast til þess að búið verði að ráða niðurlögum gróðureldanna í kvöld. Það sé markmiðið.
„Það væri óskastaða,“ segir Einar í samtali við mbl.is.
Um fjórir ferkílómetrar af gróðurlandi hafa þegar orðið eldinum að bráð við gosstöðvarnar.
Þarf ekki mikið að bregða út af
Einar segist bjartsýnn á að markmið dagsins muni nást.
„Ég væri ekki að leggja af stað í þetta verkefni nema að ég væri bjartsýnn á að þetta myndi nást. En það þarf ekki mikið að bregða út af til þess að það teygist á lopann.“
Þá segir hann veðuraðstæður ágætar fyrir slökkvistörfin á gossvæðinu.
Segir afsökun Microsoft lélega
Stafræna byltingin étur börnin sín
Dagbjört dæmd í 10 ára fangelsi fyrir líkamsárás
Ísland orðið of dýrt
„Þú ert bara orðin miðaldra kona“
Kerfið féll á prófinu