Virkni í eldgosinu við Litla-Hrút hefur legið niðri frá því klukkan 15 í gær.

„Við erum ekki alveg tilbúin að lýsa yfir goslokum því það hefur komið fyrir áður að það komi hlé og svo tekur það aftur við sér,“ segir Sigríður Kristjánsdóttir, náttúruvársérfræðingur á Veðurstofu Íslands í samtali við mbl.is. 

Óróagröf sína það hvernig óróinn datt niður í bakgrunnsmörk klukkan 15 í gær og hefur verið við það mark síðan.

Sigríður bendir á að ekki séu til neinar reglur um það á hvaða tímapunkti hægt sé að ganga út frá því að gosinu sé lokið. Rétt sé þó að gefa því lengri tíma en 24 klukkustundir, og því má álykta að yfirlýst goslok yrðu í fyrsta lagi síðdegis. 

Opið inn að gossvæðinu til kukkan 18 í dag

Opið er inn á svæðið í dag frá Suðurstrandavegi, og þrátt fyrir að engin virkni mælist í gosinu verður gönguleiðum inn á svæðið áfram lokað klukkan 18 í kvöld. 

Alls gengu 924 inn að gosinu í gær, eftir Meradalaleið, og 608 eftir öðrum gönguleiðum. 

Útlit er fyrir hæga breytilega átt á svæðinu í dag og þá getur mengunin borist í ýmsar áttir, eða safnast saman nærri hrauninu, að því er fram kemur í spá verðurvaktar um gasdreifingu. 

Tengdar fréttir

Eldvirkni á Reykjanesskaga

Horfa nú til næstu tveggja vikna

• Nýjar þrívíddarmyndir sýna rúmmál hraunsins
• Hefði átt að setja neyðarstjórn yfir Grindavík
• „Horfum björt fram á veg“
• Hættustigi lýst yfir

» Fleiri tengdar fréttir

• Blogga um frétt