600 þúsund tonna ávinningur á ári

Bald­ur Pét­urs­son, verk­efna­stjóri alþjóðlegra verk­efna hjá Orku­stofn­un, seg­ir að ­verk­efni Uppbyggingarsjóðs EES á sviði orku-, umhverfis- og loftslagsmála í Póllandi, sem Ísland tekur meðal annars þátt í, komi til með að skila ávinn­ingi á sviði lofts­lags­mála sem muni nema um það bil 600 þúsund tonn­um minni los­un kolt­ví­sýr­ings á hverju ein­asta ári.

Til að setja það í samhengi er gert ráð fyrir að Ísland muni minnka losun um 120 þúsund tonn á ári.

Frétt af mbl.is

Samstarfið hefur mikla þýðingu og styrkir tengslin

Tækifæri fyrir íslensk fyrirtæki

„Þarna er tækifæri fyrir íslensk fyrirtæki að hefja samstarf við pólsk og nýta sér þannig alþjóðlegt fjármagn í sinni starfsemi,“ segir hann en bæði pólskir og evrópskir sjóðir láta sig verkefnið varða.

Baldur segir að aldrei áður hafi umhverfis-, orku- og loftslagsmál verið sameinuð í einu verkefni.

Hann segir stóra áfanga í loftslagsskrefum muni nást með lausnum í orkumálum sem sé ávinningur fyrir alla því í loftslagsmálum séu engin landamæri.

„Þarna sést kannski vel hvað alþjóðasamstarf innan EES-samningsins getur skilað miklu á sviði loftslagsmála. Ég held að fleiri lönd muni fara þá leið að sameina verkefni í umhverfis-, orku- og loftslagsmálum.“

• Blogga um frétt