Slökkvilið höfuðborgarsvæðisins hefur haft í nógu að snúast undanfarin sólarhring.
Dælubílar voru kallaðir út í sjö skipti, meðal annars vegna tveggja vatnstjóna, umferðarslyss og minniháttar elds í þaki.
Á dögunum var slökkvilið kallað út á heimili 18 mánaða gamallar stúlku sem hafði fest fingurna á sér inni í lukt.
Samkvæmt tilkynningu slökkviliðs hafði móðirin reynt allt til að losa fingur barnsins úr luktinni og því endaði það þannig að slökkviliðsmenn notuðu kúbein á luktina sem skilaði barninu heilu á húfi. Segir slökkvilið að enginn skaði hafi hlotist af, nema fyrir luktina.