Domino’s mun færa þeim sem dvelja á fjöldahjálparstöðum pizzur.
Þetta segir Magnús Hafliðason, forstjóri Domino’s, í færslu á X (áður twitter).
„Domino’s mun sjá fjöldahjálparstöðum fyrir öllum þeim pizzum sem þörf er á hvenær sem er sólarhringsins,“ segir Magnús og bætir við; „Fullt af pizzum farnar strax. Það er hreinlega okkar skylda að hjálpa í svona aðstæðum.“
Enn liggur ekki fyrir hversu margir munu dvelja í fjöldahjálparmiðstöðvum Rauða krossins, en þær hafa verði settar upp í Kórnum í Kópavogi, í íþróttahúsinu við Sunnubraut í Reykjanesbæ og í Vallaskóla á Selfossi.
Domino’s mun sjá fjöldahjálparstöðum fyrir öllum þeim pizzum sem þörf er á hvenær sem er sólarhringsins. ❤️🍕
— Magnus Haflidason (@MagnusHaflida) November 11, 2023