„Þið getið reitt ykkur á að við Eyjamenn munum gera allt sem í okkar valdi stendur til að létta undir með ykkur og aðstoða ef á þarf að halda.“

Þetta kemur fram í stuðningskveðju sem bæjarstjórn Vestmannaeyja sendi bæjarstjórn Grindavíkur í dag. Páll Magnússon, odd­viti H-list­ans í Vest­manna­eyj­um, greinir frá kveðjunni á Facebook-síðu sinni.

Ákveðið var að rýma Grindavík í gær vegna kvikugangs. Ólík­legt er að íbúar fái að fara heim á næst­unni.

Vestmannaeyingar þekkja af eig­in raun hvernig er að þurfa að yf­ir­gefa heim­ili sín vegna nátt­úru­vár en það þurftu þeir að gera þegar eld­gos varð í Vest­manna­eyj­um fyr­ir 50 árum. Eins og mbl.is greindi frá í gær hafa margir Eyjamenn boðið Grindvíkingum húsaskjól.

Frétt af mbl.is

Vestmannaeyingar opna heimili sín fyrir Grindvíkingum

Margir boðið húsaskjól 

Stuðningskveðja bæjarstjórnar Vestmannaeyja í heild sinni:

„Fyrir hönd bæjarstjórnar Vestmannaeyja sendi ég ykkur okkar hlýjustu stuðningskveðjur í þeim erfiðleikum sem þið gangið nú í gegnum. Þið getið reitt ykkur á að við Eyjamenn munum gera allt sem í okkar valdi stendur til að létta undir með ykkur og aðstoða ef á þarf að halda. Það hefur líka verið ánægjulegt að sjá hversu margir Vestmannaeyingar hafa nú þegar upp á eigin spýtur boðið fram húsaskjól og aðra aðstoð; örugglega minnugir þess hversu vasklega Grindvíkingar gengu fram í aðstoð við okkur í eldgosinu á Heimaey fyrir 50 árum. Það gleymist aldrei. Með einlægri von um að betur fari en á horfist.“

Tengdar fréttir

Eldvirkni á Reykjanesskaga

Horfa nú til næstu tveggja vikna

• Nýjar þrívíddarmyndir sýna rúmmál hraunsins
• Hefði átt að setja neyðarstjórn yfir Grindavík
• „Horfum björt fram á veg“
• Hættustigi lýst yfir

» Fleiri tengdar fréttir

• Blogga um frétt