Staðan á rýmingu Grindavíkurbæjar er óbreytt eftir stöðufund samhæfingarstöðvar og aðgerðarstjórn klukkan sex að sögn Hjördísar Guðmundsdóttur, upplýsingafulltrúa almannavarna.
Bærinn er nú mannlaus eftir að almannavarnir kölluðu alla viðbragðaðila út úr Grindavík í nótt. Lögreglan mannar nú lokunarpósta við bæinn.
Næsti stöðufundur verður klukkan 8 og þá munu vísindamenn Veðurstofunnar og almannavarnir funda klukkan 9:30. Þá verður farið yfir ný gögn.