Um 320 jarðskjálftar hafa mælst frá miðnætti á Reykjanesskaga, enginn yfir þremur að stærð. Mesta virknin hefur verið við Hagafell og Sundhnúkagígaröðina, sem er yfir kvikuganginum.

Einar Hjörleifsson, náttúruvársérfræðingur hjá Veðurstofu Íslands, segir engan óróa hafa mælst í nótt og að engar skarpar breytingar hafi komið fram á rauntíma aflögunarmælingum.

Upptök skjálftanna eru á um 4-6 km dýpi sem er svipað og síðustu daga. Stærsti skjálftinn eftir miðnætti var 2,6 að stærð og voru upptök hans á 4,5 km dýpi norðan við Sundhnúk.

Frétt af mbl.is

Yfir 14 þúsund skjálftar á rúmlega viku

Tengdar fréttir

Eldvirkni á Reykjanesskaga

Um 60 skjálftar í kvikuganginum

• Land risið um 20 sentimetra: Gæti gosið án fyrirvara
• Eldgos eða kvikuinnskot yfirvofandi
• Geimveður truflar landrismælingar
• Róleg nótt á Reykjanesskaga

» Fleiri tengdar fréttir

• Blogga um frétt