Það var heldur ófögur aðkoma í Vínbúðinni í Grindavík þegar starfsfólk fékk að fara þar inn í fyrsta sinn eftir að bærinn var rýmdur á dögunum. Brotnar vínflöskur voru á gólfinu og guðaveigar flæddu um allt. 

Frá þessu er greint á Facebooksíðu Vínbúðanna og þetta myndband sýnir hvernig aðkoman var. „Eftir að hópurinn komst inn tók ekki nema 50 mínútur að fylla bílana og nánast tæma búðina,“ segir á Facebook.

Sigrún Ósk Sigurðardóttir, aðstoðarforstjóri ÁTVR, segir í svari við fyrirspurn mbl.is að starfsfólk verslunarinnar hafi haft hraðar hendur á staðnum og einbeitt sér að vörum og búnaði. Hún kveðst því ekki vita hvort miklar skemmdir hafi orðið á húsnæðinu en í fljótu bragði virtist ekki svo vera. 

Þá segir Sigrún að tjón á vörum hafi ekki verið mikið en hún hafi ekki nákvæmar tölur þar um. „Langstærsti hluti þeirra vara sem náðist að bjarga fara í dreifingu í aðrar Vínbúðir,“ segir Sigrún.

Tengdar fréttir

Eldvirkni á Reykjanesskaga

„Síðasta stóra verkefnið“

• „Bíð bara eftir að það fari að gjósa aftur“
• Kvikusöfnunin komin í rúma 16 milljón rúmmetra
• Urðu ekki vör við kvikuhlaup
• Smáskjálftahrina við Sundhnúkagíga

» Fleiri tengdar fréttir

• Blogga um frétt