Annar þáttur Spursmála verður í beinu streymi hér á mbl.is á morgun, föstudag. Búast má við líflegum umræðum þar sem Sólveig Anna Jónsdóttir, formaður Eflingar, hefur boðað komu sína í þáttinn og mun sitja fyrir svörum.
Spursmál er nýr og beinskeyttur umræðuþáttur undir stjórn Stefáns Einars Stefánssonar sem hóf göngu sína hér á mbl.is síðastliðinn föstudag með fjörugum og afdráttarlausum hætti.
Í fyrsta þætti Spursmála skarst í brýnu á milli þeirra Þórdísar Kolbrúnar R. Gylfadóttur, fjármála- og efnahagsráðherra og Kristrúnar Frostadóttur, formanns Samfylkingarinnar þegar þær tókust á um málefni þingsins og vörpuðu ljósi á þá ólíku sýn sem þær hafa á stóru málum samfélagsins.
Fylgstu með Spursmálum alla föstudaga kl. 14 í beinu streymi hér á mbl.is.