Ógerningur hefði verið að varna því að hraun færi yfir Grindavíkurveg og lagnir sem við hann eru. Þetta segir Hörn Hrafnsdóttir, vatnsauðlindaverkfræðingur hjá Verkís. Hörn er á meðal þeirra verkfræðinga sem hönnuðu varnargarðana við Grindavík og Svartsengi.

Hermun gerð skömmu eftir að gaus 14. janúar, án varnargarða. Kort/Verkís

Hefði ferðast meðfram veg­in­um

Ástæða þess að hraun hefði alltaf flætt yfir Grindavíkurveg er að landhalli er til vesturs frá upptökum eldgossins, alls staðar nema á tveimur stöðum.

„Hefði ekkert verið að gert, hefði vestari suðurtaumurinn ferðast meðfram Grindavíkurveginum inn í bæinn, auk þess að flæða til vesturs yfir sjálfan veginn á kafla,“ segir Hörn.

Segir hún staðsetningu garðanna einmitt valda til þess að stöðva myndun suðurtauma og verja bæinn á þann hátt. Garðarnir voru hannaðir ekki bara fyrir þetta gos heldur með stærri hraungos, víðs vegar á stóru landsvæði, í huga. Var því tekin ákvörðun um að hanna leiðigarð umhverfis Grindavík til að bægja hrauninu frá en ekki reyna að stöðva rennslið.

Tengdar fréttir

Eldvirkni á Reykjanesskaga

Horfa nú til næstu tveggja vikna

• Nýjar þrívíddarmyndir sýna rúmmál hraunsins
• Hefði átt að setja neyðarstjórn yfir Grindavík
• „Horfum björt fram á veg“
• Hættustigi lýst yfir

» Fleiri tengdar fréttir