Hrörlegt er um að litast í Fellsmúla þar sem eldur braust út í bifreiðaþjónustu N1 á sjötta tímanum í gær.

Allt tiltækt slökkvilið var kallað út og tók margar klukkustundir að ná tökum á eldinum. Voru slökkviliðsmenn á vettvangi fram undir morgun þegar lögregla tók við honum.

Ljósmyndari mbl.is fór á vettvang í morgun og festi á mynd bygginguna sem er illa leikin eftir stórbrunann.