Ekki sérstök stefnubreyting
Setja bókamerki
„Sko ég hugsaði þetta nú ekkert sérstaklega þannig,“ sagði Kristrún Frostadóttir, formaður Samfylkingarinnar, spurð hvort stefnubreyting hefði orðið hjá flokknum í útlendingamálum á Sprengisandi.
Tilefnið var viðtal við Kristrúnu í í hlaðvarpsþættinum Ein pæling sem Þórarinn Hjartarson stýrir. Þar sagði hún að hælisleitendakerfið hér á landi væri ósjálfbært og að Ísland eigi ekki að skera sig úr frá Norðurlöndum. Kristrún sagði einnig að ekki sé hægt að vera með opin landamæri samhliða velferðarkerfinu.
Á Sprengisandi sagði hún flokkinn ekki vera að boða ákveðnar aðgerðir eða gefa út „langt stefnuplagg“.
„Ég er bara með opin augu fyrir því sem er að gerast í samfélaginu,“ sagði Kristrún og bætti við að málaflokkurinn hefur tekið miklum breytingum á síðustu árum.
Hún nefndi í því samhengi að árið 2017 voru innflytjendur um 35 þúsund en nú eru þeir um 75 þúsund.
Nálgast málið útfrá gildum jafnaðarmennsku
Kristrún sagði því að ekki sé um U-beygju að ræða í stefnu flokksins, heldur sé mikilvægt að opna á umræðuna sem eigi ekki að einskorðast við það hvort fólk sé með eða á móti útlendingum.
Kristrún sagðist 100% nálgast málaflokkinn útfrá gildum jafnaðarmennsku en að tvöfalt samfélag hefði skapast á Íslandi.
„Það er grundvallaratriði jafnaðarmennsku að tala ekki bara um að hleypa fólk inn útaf mannúð, heldur hvernig þú kemur fram við fólk,“ sagði hún og bætti við að vöxturinn í málaflokknum tali sínu máli.
Goslok hafa ekki áhrif á vinnuna
Keppanda aldrei verið vísað úr keppni áður
Sundagöng betri en Sundabraut
„Miklar líkur á rýmingu á næstu sólarhringum“
Ísland á HM eftir annan stórsigur
Stjórnvöld brjóti gegn alþjóðlegum skuldbindingum
Magnús Tumi: Gýs líklega á næstu dögum
Hollandi vísað úr Eurovision
