Fljúgandi hálka á höfuðborgarsvæðinu

Fljúgandi hálka er á götum og gangstígum á höfuðborgarsvæðinu og hvetur lögreglan ökumenn og gangandi vegfarendur til að fara gætilega.

„Það er fljúgandi hálka en okkur hafa ekki borist neinar tilkynningar um slys af völdum hennar í kvöld,“ segir Lúðvík Kristinsson, varðstjóri í umferðardeild lögreglunnar, við mbl.is.

Lúðvík brýnir fyrir ökumönnum og gangandi vegfarendum að fara varlega enda megi búast við mikilli hálku í nótt og í fyrramálið.

• Blogga um frétt