Tengja lögnina vonandi á morgun
Setja bókamerki
Unnið er hörðum höndum að því að leggja varahjáveitulögn frá Svartsengi að Grindavík, yfir hraunið sem rann 14. janúar. Áætlað er að lögnin verði tengd á morgun en það mun taka nokkra daga að hleypa heitu vatni á fullum þrýstingi í gegnum lögnina.
Þetta segir Jón Haukur Steingrímsson, jarðverkfræðingur hjá Eflu, í samtali við Morgunblaðið.
Hjáveitulögnin fór að hluta til undir hraun og lekur um 30 lítrum á sekúndu af þeim 75 lítrum sem hleypt er inn á hana. Því lekur of mikið af vatni til að halda nægum þrýstingi. Nú er tengd ný lögn við báða enda hjáveitulagnarinnar, sitt hvorum megin við hraunið. Alls eru þetta um 300 metrar af lögnum sem fara yfir hraunið.
„Það er verið að trilla efni á staðinn, smíða tengistykki og móta þetta allt saman. Planið er að koma þessu saman á laugardaginn,“ segir Jón.
Lesa má meira um málið í Morgunblaðinu í dag.
Skipulagði aðgerðir fyrir Ólympíuleikana
Umboðsmaður barna krefur ráðherra um svör
Kennir að vera Íslendingur í þúsundasta skipti
Leitaði að upplýsingum um Kennedy-morðið
Afhendir yngri kynslóðum keflið
„Þú ert bara orðin miðaldra kona“
Sláandi tölur kalla á djúpa greiningu