Jarðskjálftinn sem varð við Kleifarvatn er að öllum líkindum ótengdur umbrotasvæðinu Grindavík. Þetta segir Elísabet Pálmadóttir, náttúruvásérfræðingur á Veðurstofu Íslands, í samtali við mbl.is.
Jarðskjálftinn mældist 3,4 að stærð klukkan 18:27 og fannst í byggð.
„Auðvitað veldur öll þessi kvika sem er að troðast þarna spennu á Reykjanesskaganum öllum,“ segir Elísabet en ítrekar að hann gefi ólíklega til kynna mögulegt eldgos.
Síðast varð skjálfti af svipaðri stærðargráðu þann 13. nóvember og mældist hann 3,5 að stærð.