Fundur breiðfylkingar stéttarfélaga og Samtaka atvinnulífsins (SA) gekk afar vel í dag að mati ríkissáttasemjara, sem segir daginn í dag þann besta í langan tíma. Áfram er unnið að því að reyna að landa lang­tíma­kjara­samn­ingi.

Fundinum lauk klukkan 17 en þar sátu fulltrúar SA og breiðfylkingarinnar, þ.e. Samiðnar, SGS og Eflingar. 

Efling er aftur komin að borðinu eftir að hafa stigið tímabundið til hliðar í vikunni. VR og LÍV slitu sig frá breiðfylkingunni á föstudaginn í síðustu viku. 

Frétt af mbl.is

Viðræður „tosast áfram“ í Karphúsinu

Góðar viðræður sem halda áfram í fyrramálið

Ástráður Haraldsson ríkissáttasemjari segir viðræður hafa gengið mjög vel.

„Þetta var góður fundur og við náðum góðum framgangi í málinu í dag,“ segir Ástráður í samtali við mbl.is. Hann vildi þó ekki greina nánar frá framgangi fundarins.

„En [þetta var] fínn framgangur og besti dagurinn í marga daga.“

Hefur Ástráður nú boðað annan fund klukkan 10 í fyrramálið.

Frétt af mbl.is

Þráðurinn tekinn upp að nýju í Karphúsinu

Tengdar fréttir

Kjaraviðræður

Farmenn felldu nýjan kjarasamning

• Vilja hækka frítekjumörk og tekjur
• Nýr kjarasamningur Eflingar samþykktur
• Ellefu mál á borði sáttasemjara
• Vísa kjaradeilu tollvarða til gerðardóms

» Fleiri tengdar fréttir

• Blogga um frétt