Flokksráð Vinstri grænna telur þá aukna áherslu sem hefur verið á einkarekna heilbrigðisþjónustu síðustu tvö ár „mjög alvarlega“.
Ályktun þess efnis var samþykkt á flokksráðsfundi sem lauk í gær.
„Fundurinn telur að þessu fylgi umtalsverð hætta á tilfærslu mannauðs og fjármuna úr opinberri heilbrigðisþjónustu, sem koma muni niður á aðgengi og þjónustu heilsugæslu og sjúkrahúsa,“ segir í ályktuninni.
Þá er samningsgerð Willum Þór Þórssonar heilbrigðisráðherra við sérgreinalækna gagnrýndi.
Í ályktuninni segir að fyrirkomulagið festi í sessi að þjónusta sérgreinalækna sé óaðgengileg öðrum en þeim sem búa á eða nærri höfuðborgarsvæðinu.
Þá er minnst á að það þurfi að styrkja heilsugæslunnar, ekki síst í dreifbýli. Eins þurfi að styrkja Sjúkrahúsið á Akureyri enn frekar.