Snemma í kvöld björguðu björgunarsveitirnar Þorbjörn og Skyggnir þremur örmagna göngumönnum á gönguleiðinni að Litla Hrút rétt vestan við Kistufell.
Mennirnir voru á leiðinni að gosstöðvunum en voru orðnir mjög kaldnir og illa haldnir, að því er segir í færslu björgunarsveitarinnar Þorbjarnar á Facebook.
Þar segir að svarvitlaust veður hafi verið á svæðinu, mikil úrkoma og þoka.
„Vegna veðurs og leysinga á svæðinu var ákveðið að sækja á leitarsvæðið úr nokkrum áttum, bæði á jeppum og buggy bílum,“ segir í færslu Þorbjarnar.
Uppfært klukkan 21.06
Göngumennirnir eru nú komnir til byggða, en það er björgunarsveitin Skyggnir sem segir frá því á Facebook.