Nemendur í Fjölbrautarskólanum í Garðabæ stóðu fyrir dósasöfnun á dögunum fyrir Einstök börn. Söfnuðu nemendurnir rúmlega 360 þúsund krónum.
Söfnunin var hluti af lokaverkefni nemendanna í áfanganum Viðburðastjórnun. Verkefnið er tileinkað Félagi einstakra barna, sem er stuðningsfélag fyrir börn með sjaldhæfa sjúkdóma og heilkenni.
Sama verkefni var unnið í fyrra og þá söfnuðust 165 þúsund krónur. Í ár söfnuðu nemendur þannig yfir helmingi meira.
Nemendurnir greina frá þessu í tilkynningu sem þeir sendu mbl.is. Nemendur buðust til þess að sækja dósir heim til fólks og tóku einnig á móti dósum frá nemendum og starfsfólki við skólann.
Hópurinn safnaði dósunum saman í skólann og hjálpaðist síðan að við að flytja þær í endurvinnslu, að því er fram kemur í tilkynningunni. Gríðarlega góð samvinna var innan hópsins og nemendur eru ánægðir með útkomu verkefnisins.
„Söfnunin gekk vonum framar og nemendur áfangans stóðu sig vel. Vonandi fáum við jafn góðar viðtökur á næsta ári,” er haft á eftir Ingvari Arnarsyni í tilkynningunni en hann kenndi áfangann.
Viðburðurinn hefur verið haldinn síðastliðin tvö ár og vonast er til að hann haldi áfram á næstu árum, segir í tilkynningunni, en áfanginn er kenndur á hverju vori.