Börnin tvö sem leitað var að á Reyðarfirði eru fundin.
Þetta staðfestir Margrét María Sigurðardóttir, lögreglustjóri á Austurlandi, í samtali við mbl.is.
Margrét getur ekki veitt frekari upplýsingar um málið, en segir ekki langt síðan börnin fundust.
Fyrr í dag voru allar björgunarsveitir á Austfjörðum, frá Fáskrúðsfirði upp í Norðfjörð, kallaðar út í leit að tveimur grunnskólabörnum á Reyðarfirði.
Þetta staðfesti Jón Þór Víglundsson, upplýsingafulltrúi Landsbjargar, í samtali við mbl.is.
Útkallið barst um klukkan tvö í dag og voru fyrstu sveitir sendar út í kjölfarið. Vísir greindi fyrst frá.
Fréttin hefur verið uppfærð