Verulega hefur hægst á hraunrennsli í eldgosi í Sundhnúkagígum. Mest rennsli er frá norðurhluta sprungunnar við Sýlingarfell samkvæmt upplýsingum frá Veðurstofu Íslands.
Að sögn Úlfars Lúðvíkssonar, lögreglustjóra hjá lögreglunni á Suðurnesjum, eru engin verkefni á borði aðgerðarstjórnar og vettvangsstjórnar og bíða menn til morguns með að skoða aðstæður.
„Við erum með fullmannaðar vaktir en nú eru menn bara í ró, komin varðstaða og menn fylgjast með framvindunni,“ segir Úlfar.